ବିଶାଖାପାଟନାମ: ଦକ୍ଷିଣ ଆଫ୍ରିକା ସାମ୍ନାରେ 395 ରନର ବିଜୟ ଲକ୍ଷ୍ୟ ରଖିଲା ଭାରତ । 2ୟ ଇଂନିସରେ 323/4ରେ ପାଳି ଘୋଷଣା କରିଛି ଭାରତ । ଭାରତ ପକ୍ଷରୁ ପୁଣି ଓପନର ରୋହିତ ଶର୍ମା 2ୟ ଇଂନିସରେ ଶତକୀୟ ପାଳି ଖେଳିଛନ୍ତି । 149 ବଲରେ ରୋହିତ 10 ଚୌକା ଓ 7 ଛକା ସହାୟତାରେ 127ରନର ଧୂଆଁଧାର ପାଳି ଖେଳିଛନ୍ତି ।
ପ୍ରଥମ ଇଂନିସରେ ଦ୍ବିଶତକ ହାସଲ କରିଥିବା ମୟଙ୍କ ଅଗ୍ରୱାଲ 7ରନ କରି ଆଉଟ ହୋଇଥିଲେ । ମାତ୍ର ରୋହିତଙ୍କୁ ନୂଆ ପାର୍ଟନର ଭାବେ ପୂଜାରା ସାଥ ଦେଇଥିଲେ । 13 ଚୌକା ଓ 2 ଛକା ସହାୟତାରେ 81 ରନର ପାଳି ଖେଳିଥିଲେ ପୂଜାରା । ଏହାପରେ ରବିନ୍ଦ୍ର ଜାଡେଜା ଦ୍ରୁତ 40 ରନର ପାଳି ଖେଳିଥିଲେ । କ୍ୟାପଟେନ କୋହଲି ଓ ରାହାଣେ ଭାରତର ସ୍କୋରକୁ 300 ପାର କରାଇଥିଲେ ।
ଦକ୍ଷିଣ ଆଫ୍ରିକା ପକ୍ଷରୁ ସ୍ପିନର କେଶବ ମହାରାଜ ସର୍ବାଧିକ 2ଟି ୱିକେଟ ହାସଲ କରିଥିଲେ । ରବାଡା ଓ ଫିଲାଣ୍ଡର ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ ।
