ଲଣ୍ଡନ: ରେକର୍ଡ ପରେ ରେକର୍ଡ ସ୍ଥାପନ କରି ଚାଲିଛନ୍ତି ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ୍ କ୍ରିସ୍ ଗେଲ୍ । ସମ୍ଭବତଃ ନିଜ କ୍ୟାରିଅରର ଶେଷ ବିଶ୍ବକପ ଖେଳୁଥିବା ଗେଲ ଆଜି ମ୍ୟାଚରେ ଏକ ନୂଆ ରେକର୍ଡ କରିଛନ୍ତି । ଗେଲ୍ ବିଶ୍ୱକପ୍ ଇତିହାସରେ ସର୍ବାଧିକ ଛକା ମାରିବାର ରେକର୍ଡ ସ୍ଥାପନ କରିଛନ୍ତି।
ଆଜି ମ୍ୟାଚରେ ଗେଲ୍ ବ୍ୟକ୍ତିଗତ ଦ୍ୱିତୀୟ ଛକା ମାରିଥିବା ବେଳେ ଏହି ରେକର୍ଡର ଅଧିକାରୀ ହୋଇଛନ୍ତି । ତେବେ 39 ବର୍ଷୀୟ ଗେଲଙ୍କ ପଛକୁ ତାଲିକାରେ ରହିଛନ୍ତି ଦକ୍ଷିଣ ଆଫ୍ରିକାର ଏବି ଡି ଭିଲିୟର୍ସ । ଗେଲ୍ ଏପର୍ଯ୍ୟନ୍ତ ବିଶ୍ୱକପରେ ମୋଟ ୨୭ ମ୍ୟାଚ୍ ଖେଳି ୩୯ ଛକା ମାରିଛନ୍ତି । ଡିଭିଲିୟର୍ସ ୨୩ ମ୍ୟାଚରେ ୩୭ ଛକା ମାରିଛନ୍ତି । ତାଲିକାର 3ୟ ସ୍ଥାନରେ ଅଛନ୍ତି ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ । ପଣ୍ଟିଂ ୪୬ ମ୍ୟାଚରେ ୩୧ ଛକା ମାରିଛନ୍ତି ।
ତେବେ ବିଜୟରୁ ଅଭିଯାନ ଆରମ୍ଭ କରିଛି କାରବିଆନ ଦଳ । ପାକିସ୍ତାନ 106ରନର ବିଜୟ ଲକ୍ଷ୍ୟକୁ 7ୱିକେଟରେ ଜିତି ନେଇଛି ୱେଷ୍ଟଇଣ୍ଡିଜ ।
