ନୂଆଦିଲ୍ଲୀ: ଆଇସିସି ଟି-20 କ୍ରିକେଟ ବିଶ୍ବକପ 2021କୁ ନେଇ ପାକିସ୍ତାନ କ୍ରିକେଟ ବୋର୍ଡ ସିଇଓ ବସିମ ଖାନଙ୍କ ବଡ ବୟାନ । ଜାନୁଆରୀ 2021 ସୁଦ୍ଧା, ପାକିସ୍ତାନ ଖେଳାଳି ଓ ଅଧିକାରୀଙ୍କୁ ଭିସା ଦେବାନେଇ ଆଇସିସି ଆଶ୍ବାସନା ଦେବାକୁ କହିଛନ୍ତି ପିସିବି ସିଇଓ ।
ନିକଟ ଭବିଷ୍ୟତରେ ଭାରତ ଓ ପାକିସ୍ତାନ ମଧ୍ୟରେ କୌଣସି ଦ୍ବିପାକ୍ଷିକ କ୍ରିକେଟ ସିରିଜ ଖେଳାଯିବାର ସମ୍ଭାବନା ନଥିବା କହିଛନ୍ତି ପିସିବି ସିଇଓ ।
ଆସନ୍ତାବର୍ଷ ଅକ୍ଟୋବରରେ ଭାରତ ଟି-20 ବିଶ୍ବକପ ଆୟୋଜନ କରିବ । ଭାରତ ଓ ପାକିସ୍ତାନ ମଧ୍ୟରେ ତିକ୍ତ ରାଜନୈତିକ ସମ୍ପର୍କକୁ ଦୃଷ୍ଟିରେ ରଖି, ପିସିବି ଖେଳାଳି ଓ ଅଧିକାରୀଙ୍କ ଭାରତ ଗସ୍ତ ପାଇଁ ଭିସା ପ୍ରକ୍ରିୟା ସହଜ କରିବାକୁ ଆଇସିସି ନିକଟରୁ ଆଶ୍ବାସନା ଚାହିଁଛି ।
ଭିସା ନମିଳିଲେ, ବିସିସିଆଇ ଓ ଭାରତ ସରକାରଙ୍କୁ ସମ୍ପର୍କ କରି ଆଇସିସି ସମୟ ପୂର୍ବରୁ ଭିସା ଉପଲବ୍ଧ କରିବାକୁ ପିସିବି ସିଇଓ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
