ଦୁବାଇ: ବଦଳିବନି ବିବାଦୀୟ 'ଅମ୍ପାୟାରର୍ସ କଲ୍' ନିୟମ । ଟିମ ଇଣ୍ଡିଆର ପୂର୍ବତନ କ୍ୟାପଟେନ ଅନିଲ କୁମ୍ବଲେଙ୍କ ନେତୃତ୍ବରେ ଅନ୍ତର୍ଜାତୀୟ କ୍ରିକେଟ ପରିଚାଳନା କମିଟି(ICC) ବୈଠକରେ ଏହି ନିଷ୍ପତ୍ତି ହୋଇଛି । 'ଅମ୍ପାୟର୍ସ କଲ୍' ଅପରିବର୍ତ୍ତିତ ରହିବା ନେଇ ଗୁରୁବାର ସ୍ପଷ୍ଟ କରିଛି କମିଟି । ଏଥିସହ ବୈଠକରେ ଡିଆରଏସ ନିୟମକୁ ଅଧିକ ସରଳ କରିବାକୁ 3ଟି ପରିବର୍ତ୍ତନ ଓ ଅମ୍ପାୟର ପ୍ରୋଟୋକଲକୁ ଅନୁମୋଦନ ମିଳିଛି ।
'ଅମ୍ପାୟାର୍ସ କଲ୍' ନେଇ ବର୍ତ୍ତମାନ ସମୟରେ ବଡ ବିବାଦ ଦେଖାଦେଇଛି । ଏକାଧିକ ପୂର୍ବତନ କ୍ରିକେଟର ଆଇସିସି ଡିସିସନ ରିଭ୍ୟୁ ସିଷ୍ଟମ(DRS) ନିୟମର ପୁନଃ ବିଚାର କରିବା ଉଚିତ ବୋଲି ମତ ଦେଇଛନ୍ତି । ପଡିଆରେ ଉପସ୍ଥିତ ଅମ୍ପାୟରଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରାଯାଇଥିବା ରିଭ୍ୟୁ ଅମ୍ପାୟରଙ୍କ ପ୍ରାଥମିକ ନିର୍ଣ୍ଣୟ ଯୋଗୁଁ ଅପରିବର୍ତ୍ତିତ ରହିବା ନେଇ ଅସନ୍ତୋଷ ଦେଖାଦେଇଛି ।
କ୍ରିକେଟ କମିଟିରେ 'ଅମ୍ପାୟାର୍ସ କଲ୍' ନେଇ ସକରାତ୍ମକ ଆଲୋଚନା ହୋଇଛି ଓ ଏହାର ଗୁରୁତ୍ବ ନେଇ ସମସ୍ତ ଦିଗନେଇ ଚର୍ଚ୍ଚା ହୋଇଛି କହିଛନ୍ତି ଅନିଲ କୁମ୍ବଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
