ହାଇଦ୍ରାବାଦ: ଶ୍ରେଷ୍ଠଙ୍କୁ ବିଶ୍ବର ଅନ୍ୟତମ ଶ୍ରେଷ୍ଠଙ୍କ ପ୍ରଶଂସା ବେଶ ଗୁରୁତ୍ବ ରଖେ । ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କୁ ବିଶ୍ବର ନଂ1 ଟେଷ୍ଟ ବ୍ୟାଟ୍ସମ୍ୟାନ ତଥା ଅଷ୍ଟ୍ରେଲିଆର ପୂର୍ବତନ କ୍ୟାପଟେନ ଷ୍ଟିଭ ସ୍ମିଥଙ୍କ ପ୍ରଶଂସା ।
ସ୍ମିଥ କହିଛନ୍ତି କୋହଲି ଜଣେ ଅବିଶ୍ବସନୀୟ ଖେଳାଳି । ସେ ସର୍ବଦା କୋହଲିଙ୍କୁ ସମ୍ମାନ କରନ୍ତି । ଏଥିସହିତ ସୀମିତ ଓଭର କ୍ରିକେଟରେ କୋହଲିଙ୍କ ପ୍ରଭାବି ପ୍ରଦର୍ଶନ ସର୍ବଦା ନିଆରା କରେ ବୋଲି ସ୍ମିଥ କହିଛନ୍ତି । ଦିନିକିଆ କ୍ରିକେଟ ବିଶ୍ବର ଶ୍ରେଷ୍ଠ ବ୍ୟାଟ୍ସମ୍ୟାନ ତାଲିକାରେ ରହିଛନ୍ତି ବିରାଟ କୋହଲି ।
ସ୍ମିଥ କୋହଲିଙ୍କ ଫିଟନେସର ମଧ୍ୟ ପ୍ରଶଂସା କରିଛନ୍ତି । କ୍ରିକେଟରେ ଫିଟନେସର ସ୍ତରକୁ କୋହଲି ବଢାଇଛନ୍ତି ବୋଲି ସେ କହିଛନ୍ତି । ଏଥିସହିତ ଟିମ ଇଣ୍ଡିଆର ବ୍ୟାଟିଂଲାଇନ ଅଫ୍ ଶକ୍ତିଶାଳୀ ବୋଲିଂ କହିଛନ୍ତି । ବିରାଟ, ଚେତେଶ୍ବର ପୂଜାରା, ଅଜିଙ୍କ୍ୟ ରାହାଣେ ଦକ୍ଷ ଟପ ଅର୍ଡର ଟେଷ୍ଟ ଖେଳାଳି ରହିଛନ୍ତି । ପରେ ରୋହିତ ଶର୍ମା, ଲୋକେଶ ରାହୁଲ ଯେ କୌଣସି ସ୍ଥାନରେ ବ୍ୟାଟିଂ କରିବାର ଦକ୍ଷତା ରଖିଛନ୍ତି ।
ବୋଲିଂ ବିଭାଗରେ ମହମ୍ମଦ ସାମି, ଜଶପ୍ରୀତ ବୁମରା, ଇଶାନ୍ତ ଶର୍ମାଙ୍କ ଭଳି ଅଭିଜ୍ଞ ମ୍ୟାଚ ବିଜେତା ବୋଲର ରହିଥିବା ସ୍ମିଥ କହିଛନ୍ତି । ତେବେ ଅଷ୍ଟ୍ରେଲିଆ ବିପକ୍ଷ ଆଗାମୀ ବର୍ଡର-ଗାଭାସ୍କର ଟ୍ରଫିକୁ ନେଇ ସ୍ମିଥ ଉତ୍ସାହିତ ଥିବା କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
