ଲଣ୍ଡନ: ବିସିସିଆଇର ଅଧ୍ୟକ୍ଷ ସୌରଭ ଗାଙ୍ଗୁଲି ଇଂଲଣ୍ଡରେ ଇସିବିର ଅଧିକାରୀଙ୍କ ସହ ଏକ ବୈଠକ ଆୟୋଜନ କରିବାକୁ ଇଂଲଣ୍ଡ ଯାଇଛନ୍ତି । ଏହି ଅବସରରେ ଗାଙ୍ଗୁଲି କହିଛନ୍ତି ଯେ, ଲର୍ଡ୍ସରେ ବିସିସିଆଇ ଅଧ୍ୟକ୍ଷ ରୂପେ ଆସିକି ଖୁସି ଲାଗୁଛି । ଏଥିସହ ଏହି ଗ୍ରାଉଣ୍ଡରେ ନିଜର ପୂରଣା ସ୍ମୃତିକୁ ମନେପକାଇଛନ୍ତି ।
ଗାଙ୍ଗୁଲି ନିଜର ଟ୍ବିଟରରେ ବିସିଆଇ ସଚିବ ଜୟ ଶାହା,କୋଷାଧ୍ୟକ୍ଷ ଅରୁଣ ସିଂ ଧୁମଲଙ୍କ ସହ ସେଲ୍ଫି ଫଟୋ ପୋଷ୍ଟ କରି ଲେଖିଛନ୍ତି ଯେ, ଏକ ଅଲଗା ରୂପରେ ଏହି ସାନଦାର ଗ୍ରାଉଣ୍ଡକୁ ଫେରି ଭଲ ଲାଗୁଛି । ଆହୁରି 2 ସାନଦାର ବ୍ୟକ୍ତିଙ୍କ ସହ । ତେବେ ଏହି ଟ୍ବିଟର ଲର୍ଡ୍ସ କ୍ରିକେଟ ଗ୍ରାଉଣ୍ଡ ରିଟ୍ବିଟ କରି ଲେଖିଛି ଯେ, ଏହି ଗ୍ରାଉଣ୍ଡରେ ତମକୁ ଦେଖି ଭଲ ଲାଗିଲା ।
ସୂଚନାଥାଉକି, ଗାଙ୍ଗୁଲି ଏହି ମୈଦାନରେ ନିଜର ଟେଷ୍ଟ ଡେବ୍ୟୁ ମ୍ୟାଚ ଖେଳିଥିଲେ । ଆହୁରି ମଧ୍ୟ ଶତକୀୟ ପାଳି ଖେଳିଥିଲେ । ଏଥିସହ ଏହି ଲର୍ଡ୍ସ ଗ୍ରାଉଣ୍ଡରେ ନେଟଓ୍ବେଷ୍ଟ ସିରିଜର ସେହି ଐତିହାସିକ ଫାଇନାଲ ମ୍ୟାଚରେ ଗାଙ୍ଗୁଲି ଅଧିନାୟକ ଭାର ଉଠେଇଥିଲେ । ମ୍ୟାଚ ଜିତିବା ପରେ ନିଜର ଟି-ସାର୍ଟ ଖୋଲିବା ଦୃଶ୍ୟ ଏବେ ବି ସମସ୍ତଙ୍କ ମନରେ ରହିଛି ।
