ବାୟୁସେନା ଦିବସ କାର୍ଯ୍ୟକ୍ରମରେ ଯୋଗଦେଲେ ଗ୍ରୁପ କ୍ୟାପ୍ଟେନ ତେନ୍ଦୁଲକର

ହିଣ୍ଡନ ଏୟାରଫୋର୍ସ ଷ୍ଟେସନରେ ଆୟୋଜିତ 87ତମ ବାୟୁସେନା ଦିବସ କାର୍ଯ୍ୟକ୍ରମରେ ବାୟୁସେନାର ଗ୍ରୁପ କ୍ୟାପ୍ଟେନ ସଚିନ ତେନ୍ଦୁଲକର ଧର୍ମପତ୍ନୀଙ୍କ ସହ ଯୋଗ ଦେଇଥିଲେ ।

ଲକ୍ଷ୍ନୌ: ଆଜି ହେଉଛି 87ତମ ବାୟୁସେନା ଦିବସ । ଏହି ଅବସରରେ ହିଣ୍ଡନ ଏୟାରଫୋର୍ସ ଷ୍ଟେସନରେ ଆୟୋଜିତ କାର୍ଯ୍ୟକ୍ରମରେ କ୍ରିକେଟର ତଥା ବାୟୁସେନାର ଗ୍ରୁପ କ୍ୟାପ୍ଟେନ ସଚିନ ତେନ୍ଦୁଲକର ଯୋଗ ଦେଇଥିଲେ ।

ଏହି କାର୍ଯ୍ୟକ୍ରମରେ ଏୟାର ଚିଫ ମାର୍ଶଲ ରାକେଶ କୁମାର ସିଂ ଭଦୋରିୟାଙ୍କ ସହ ସଚିନ ଓ ତାଙ୍କର ପତ୍ନୀ ଅଞ୍ଜଳି ତେନ୍ଦୁଲକର ଉପସ୍ଥିତ ଥିଲେ । 2010ରେ ସଚିନଙ୍କୁ ବାୟୁସେନାରେ ଗ୍ରୁପ କ୍ୟାପ୍ଟେନ ରାଙ୍କ ଦିଆଯାଇଥିଲା ।

2013 ମସିହାରେ ଅନ୍ତରାଷ୍ଟ୍ରୀୟ କ୍ରିକେଟରୁ ବିଦାୟ ନେଇଥିବା ସଚିନ ଏକମାତ୍ର କ୍ରିକେଟ ଖେଳାଳୀ ଭାବେ ଭାରତୀୟ ବାୟୁସେନାରେ ଗ୍ରୁପ କ୍ୟାପ୍ଟନ ପଦରେ ନିଯୁକ୍ତ ଅଛନ୍ତି ।