ନୂଆଦିଲ୍ଲୀ: ସନଥ ଜୟସୁରିଆଙ୍କର ମୃତ୍ୟୁ । ଏଭଳି କିଛି ଗୁଜବ ଖବର ବର୍ତ୍ତମାନ ସୋସିଆଲ ମିଡ଼ିଆରେ ଟ୍ବିଟରରେ ଘୁରି ବୁଲୁଛି । ଏହି ଘଟଣାଟି କାନାଡ଼ାର ଏକ ଖବର ସରବରାହ ସଂସ୍ଥା ପ୍ରକାଶ କରିବା ପରେ ବେଶ ଭାଇରାଲ ହୋଇଛି । ଯାହାକୁ କ୍ରୀଡ଼ ଜଗତରେ ବେଶ ନିନ୍ଦା କରାଯିବା ସହିତ ଏଭଳି ଦାୟିତ୍ବହୀନ ଖବର ପ୍ରସାରଣକୁ ନିନ୍ଦା କରାଯାଇଛି । ସେପଟେ ଖୋଦ ଜୟସୁରିୟା ଏହି ଖବରକୁ ଖଣ୍ଡନ କରିବା ସହିତ ଦୁଃଖ ପ୍ରକାଶ କରିଛନ୍ତି ।
ମିଳିଥିବା ଖବର ମୁତାବକ ଆଜି(ସୋମବାର) ଟ୍ବିଟରରେ ଏକ ଖବର ଘୁରି ବୁଲୁଛି ଯେ, କ୍ରିକେଟର ସନଥ ଜୟସୁରିୟଙ୍କର ମୃତ୍ୟୁ ହୋଇଛି । କାନାଡାରେ ଏକ ସଡକ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଥିବା କାନାଡାର ଏକ ଗଣମାଧ୍ୟମ ସୂଚନାଦେଇଛି । ତେବେ ଏହି ଖବର ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କିଛି ଭାଇରାଲକାରୀ ଖବରକୁ ଜୋରଦାର ଭାଇରାଲ କରିବାରେ ଲାଗିଛନ୍ତି ।
ତେବେ ଏତି ମଧ୍ୟରେ କ୍ରିକେଟର ରବିଚନ୍ଦ୍ରନ୍ ଅଶ୍ବିନୀ ଓ ଅଭିନେତା ଅର୍ଶଦ ଓ୍ବାର୍ସି ଏକ ଟ୍ବିଟ କରି ଘଟଣାର ସତ୍ୟତା ବିଷୟରେ ପଚାରିଥିଲେ । ମାତ୍ର ସେଠାରେ ବି କିଛି ମିଶ୍ରିତ ପ୍ରତିକ୍ରିୟା ମିଳିଛି । କିଛି ଲୋକଙ୍କ କହିଛନ୍ତି, ଜୟସୁରିଆ ଆଉ ଏ ଦୁନିଆରେ ନାହାନ୍ତି ।
ତେବେ ଜୟସୁରିୟା ନିଜେ ଟ୍ବିଟ କରି ଖବରକୁ ମିଥ୍ୟା ବୋଲି କହିଛନ୍ତି । ସେ ନିଜ ଟ୍ବିଟରେ ଲେଖିଛନ୍ତି, "ମୁଁ ଶ୍ରୀଲଙ୍କାରେ ଅଛି । ମୁଁ ୟା ଭିତରେ କେବେ ବି କାନାଡା ଯାଇନାହିଁ । ଦୟାକାରି ମୋ ମୃତ୍ୟୁକୁ ନେଇ ଏମିତି ଅପପ୍ରଚାର ବନ୍ଦ କର । ଆଉ ଏହିଭଳି ଫେକ୍ ନ୍ୟୁଜ ତିଆରି କରୁଥିବା ଗଣମାଧ୍ୟମକୁ ରଦ୍ଧ କରନ୍ତୁ ।"
ଉଲ୍ଲେଖଥାଉ କି, ଏହି ଭଳି ଏକ ମିଥ୍ୟା ମୃତ୍ୟୁର ଅପପ୍ରଚାର ଓଲିଉଡ ଆକ୍ଟର ପପୁ ପମପମଙ୍କ ନାମରେ ମଧ୍ୟ କରାଯାଇଥିଲା ।
