ବ୍ରିସବେନ: ନ୍ୟୁଜିଲାଣ୍ଡ ବିପକ୍ଷ ସୀମିତ ଓଭର କ୍ରିକେଟ ସିରିଜ ଖେଳିବେନି ଅଷ୍ଟ୍ରେଲିଆ ଅଲରାଉଣ୍ଡର ଏଲିସ ପେରୀ । ଏନେଇ କ୍ୟାପଟେନ ମେ ଲାନିଙ୍ଗ ସୋମବାର ସ୍ପଷ୍ଟ କରିଛନ୍ତି ।
ଗତ ମାର୍ଚ୍ଚ ମାସରେ ଟି-20 ମହିଳା ବିଶ୍ବକପରେ ଆହତ ହୋଇଥିଲେ ପେରୀ । ତେବେ ନ୍ୟୁଜିଲାଣ୍ଡ ବିପକ୍ଷ ସିରିଜରେ ଅଭ୍ୟାସକୁ ଫେରିବେ ବୋଲି ଆଶା କରାଯାଉଥିଲା ।
ଅନ୍ୟପଟେ 3 ଟିକିଆ ନ୍ୟୁଜିଲାଣ୍ଡ ବିପକ୍ଷ ଚଳିତ ଟି-20 ସିରିଜକୁ ପ୍ରଥମ ଦୁଇଟି ମ୍ୟାଚରେ ବିଜୟ ସହ 2-0ରେ ଜିତିନେଇଛି ଅଷ୍ଟ୍ରେଲିଆ । ବୁଧବାର ଆଲାନ ବର୍ଡର ଫିଲ୍ଡରେ 3ୟ ମ୍ୟାଚ ଖେଳାଯିବ । ପରେ ଉଭୟ ଟିମ ମଧ୍ୟରେ ଅକ୍ଟୋବର 3 ରୁ 7 ମଧ୍ୟରେ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
