ମୁମ୍ବାଇ: ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କୁ ଭେଟିଛନ୍ତି ଜାତୀୟ କ୍ରିକେଟ ଏକାଡେମୀର ମୁଖ୍ୟ ରାହୁଲ ଦ୍ରାବିଡ । ଉଭୟଙ୍କ ମଧ୍ୟରେ ବେଶ ଲମ୍ବା ସମୟ ଧରି ଆଲୋଚନା ହୋଇଥିବା କୁହାଯାଉଛି । ତେବେ ନିର୍ଦ୍ଦିଷ୍ଟ କେଉଁ ବିଷୟରେ ଭାରତୀୟ କ୍ରିକେଟର ଏହି ଦୁଇ ମୁଖିଆଙ୍କ ମଧ୍ୟରେ ଆଲୋଚନା ହୋଇଛି ତାହା ଜଣାପଡିନାହିଁ ।ବିସିସିଆଇ ମୁଖ୍ୟାଳୟରେ ଦ୍ରାବିଡ ଅପରାହ୍ନ 12.00ଟା ସୁଦ୍ଧା ପହଞ୍ଚିଥିଲେ । ବେଶ କିଛିଘଣ୍ଟାର ବୈଠକ ପରେ ସମୟ ପ୍ରାୟ 5.00ସୁଦ୍ଧା ଉଭୟ ଗାଙ୍ଗୁଲି ଓ ଦ୍ରାବିଡ ବାହାରକୁ ଆସିଥିଲେ ।
ତେବେ କେଉଁ ବିଷୟରେ ଏବି ବୈଠକର ପ୍ରଶ୍ନକୁ ଦ୍ରାବିଡ ଏଡାଇ ଯାଇଥିଲେ । ମାତ୍ର ବିସିସିଆଇ ସଭାପତି ସୌରଭ ଗାଙ୍ଗୁଲି ଜାତୀୟ କ୍ରିକେଟ ଏକାଡେମୀ(NCA) ବିଷୟରେ ସାଧାରଣ ବୈଠକ ହୋଇଥିବା କହିଥିଲେ । ତେବେ କ୍ରିକେଟ ଆଡଭାଇଜରୀ କମିଟି ଗଠନ, ଏସିଆ ଏକାଦଶ ନେଇ ପ୍ରଶ୍ନର ଉତ୍ତର ରଖିନଥିଲେ ଗାଙ୍ଗୁଲି । ତେବେ ଉଭୟଙ୍କ ମଧ୍ୟରେ ସିଏସି ଗଠନ ଏବଂ ନୂଆ ଚୟନକର୍ତ୍ତା କମିଟି ଗଠନ ନେଇ ଆଲୋଚନା ହୋଇଥିବା ଚର୍ଚ୍ଚା ହେଉଛି ।
