କେନ୍ଦୁଝର: ଦିବ୍ୟାଙ୍ଗ ମଣିଷଟି ମଧ୍ୟ କ୍ରିକେଟ ଖେଳିବାକୁ ଫିଟ । ଏହାକୁ ପ୍ରମାଣିତ କରି ଦେଖାଇଛନ୍ତି ଜିଲ୍ଲାର ଅଭୟ ଜେନା । ସେ ପିଲା ବୟସରୁ ପୋଲିଓ ଆକ୍ରାନ୍ତ । କିନ୍ତୁ ତାଙ୍କ ଇଚ୍ଛା ଶକ୍ତି ଆଗରେ ତାଙ୍କର ଅକ୍ଷମତା ହାର ମାନିଛି । ଅଭୟ ଏବେ ଦିବ୍ୟାଙ୍ଗ ପ୍ରିମିୟର କ୍ରିକେଟ ଲିଗରେ ସ୍ଥାନ ପାଇଛନ୍ତି । ସେ ଚେନ୍ନାଇ ସୁପର ଷ୍ଟ୍ରଙ୍ଗ ଟିମ ପାଇଁ ଶହ ବନ୍ଧିତ ହୋଇଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, କେନ୍ଦୁଝର
ସୂଚନାନୁସାରେ, ଆଗାମୀ ଜୁଲାଇ ୧୯ ତାରିଖରୁ ଦିଲ୍ଲୀଠାରେ ଏହି ପ୍ରିମିୟର ଲିଗ ଅନୁଷ୍ଠିତ ହେବ । ଏଥିରେ ୮ ଟି ଟିମ ଭାଗ ନେବେ ବୋଲି ଜଣାପଡିଛି । ତେବେ ଏହି ଲିଗରେ ଖେଳିବା ପାଇଁ ସାଥି ଖେଳାଳିଙ୍କ ସହ ପ୍ରାକ୍ଟିସ ଚଳାଇଛନ୍ତି । ଶଙ୍କର ସ୍ପୋର୍ଟିଂ କ୍ରିକେଟ କ୍ଲବ ସାଥିମାନେ ମଧ୍ୟ ତାଙ୍କୁ ଏଥିରେ ଭରପୁର ସହଯୋଗ କରୁଛନ୍ତି । କ୍ଲବର କୋଚ ମଧ୍ୟ ଅଭୟ କିପରି ଭଲ ପ୍ରଦର୍ଶନ କରିବେ ସେ ନେଇ ଚେଷ୍ଟା କରଛନ୍ତି । ଅନ୍ୟପଟେ ଆଗାମୀ ଦିନରେ ଅଭୟ ବିଶ୍ୱକପ କ୍ରିକେଟରେ ଖେଳିବାକୁ ଆଶା ରଖିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
