ମୁମ୍ବାଇ: ଟିମ ଇଣ୍ଡିଆର ୱିକେଟ କିପର-ବ୍ୟାଟ୍ସମ୍ୟାନ ଦୀନେଶ କାର୍ତ୍ତିକ ଧୋନିଙ୍କୁ ନେଇ କହିଛନ୍ତି ନିଜ ମନକଥା । ଧୋନିଙ୍କ ମଧ୍ୟରେ 17 ବର୍ଷ ଭିତରେ କୌଣସି ପରିବର୍ତ୍ତନ ହୋଇ ନାହିଁ ବୋଲି ସେ କହିଛନ୍ତି । 2003-04 ସିଜନରେ ସେ ପ୍ରଥମ କରି ଇଣ୍ଡିଆ-ଏ ପାଇଁ ମହେନ୍ଦ୍ର ସିଂ ଧୋନିଙ୍କ ସହ ଖେଳିଥିଲେ, ସେବେଠାରୁ ଏପର୍ଯ୍ୟନ୍ତ ଧୋନିଙ୍କ ଭିତରେ କିଛି ବଦଳି ନାହିଁ । ସେ ସେମିତି ଶାନ୍ତ ଓ ସରଳ ସ୍ବଭାବର ଅଛନ୍ତି ବୋଲି କାର୍ତ୍ତିକ ଅନୁଭବ କରନ୍ତି ।
ଷ୍ଟାର ସ୍ପୋର୍ଟସ୍ ଶୋ କ୍ରିକେଟ କନେକ୍ଟେଡରେ କାର୍ତ୍ତିକ କହିଛନ୍ତି ଯେ, 2003 କିମ୍ବା 2004 ରେ, ଯେତେବେଳେ ମୁଁ ତାଙ୍କ ସହିତ ମୋର ପ୍ରଥମ ଟୁରରେ ଇଣ୍ଡିଆ-ଏ ପାଇଁ ଖେଳିବାକୁ ଯାଇଥିଲି, ସେତେବେଳେ ସେ ବହୁତ ସରଳ, ଶାନ୍ତ, ବ୍ୟକ୍ତିତ୍ବ ଥିଲେ ଏବଂ ଆପଣ ମଧ୍ୟ ତାହା ଦେଖିଥିବେ । କେବଳ ପାର୍ଥକ୍ୟ ଏତିକି ଯେ ବର୍ତ୍ତମାନ ତାଙ୍କର ଚୁଟି ବହୁତ ଧଳା ହୋଇଯାଇଛି, କିନ୍ତୁ ଭିତରୁ ସେ ଏବେ ବି ବହୁତ ଶାନ୍ତ ।
କାର୍ତ୍ତିକ ଆହୁରି ମଧ୍ୟ କହିଛନ୍ତି ଯେ, ‘‘ମୁଁ ତାଙ୍କୁ ସେତେ ରାଗିଥିବାର ଦେଖି ନାହିଁ କିମ୍ବା ତାଙ୍କୁ କ୍ରୋଧ ପ୍ରକାଶ କରିଥିବାର ଦେଖି ନାହିଁ । ସେ ଏବେ ବି ସମାନ ଅଛନ୍ତି ।’’
ଧୋନି 2019 ବିଶ୍ବକପ ସେମିଫାଇନାଲ ପରଠାରୁ କ୍ରିକେଟରୁ ଦୂରେଇ ଯାଇଛନ୍ତି । ଆଇପିଏଲରେ ସେ ଫେରିବେ ଓ ଟି-20 ବିଶ୍ବକପରେ ନିଜର ସ୍ଥାନ ପକ୍କା କରିବେ ବୋଲି ବିଶ୍ବାସ କରାଯାଉଥିବା ବେଳେ କୋରୋନା ମହାମାରୀ କାରଣରୁ ଏହା ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ହୋଇଛି ।
@IANS
