ଲାହୋର: ପାକିସ୍ତାନୀ କ୍ରିକେଟର ଦାନିସ କାନେରିଆ ଘରୋଇ କ୍ରିକେଟ ଖେଳିବାକୁ ଇଛାପ୍ରକଟ କରିଛନ୍ତି । ଏନେଇ ପାକିସ୍ତାନ କ୍ରିକେଟ ବୋର୍ଡ(ପିସିବି)କୁ ଅନୁମତି ପ୍ରଦାନ ପାଇଁ ଅନୁରୋଧ କରିଛନ୍ତି ।
ଇଂଲଣ୍ଡ କ୍ଳବ ଏସେକ୍ସ ପକ୍ଷରୁ ଖେଳୁଥିବାବେଳେ, କାନେରିଆ ସ୍ପଷ୍ଟ ଫିକ୍ସିଂ ମାମଲାରେ ଦୋଷୀ ସାବ୍ୟସ୍ତ ହୋଇ କ୍ରିକେଟରୁ ବାସନ୍ଦ ହୋଇଥିଲେ ।
ତେବେ କାନେରିଆ ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି)ର ଦୁର୍ନୀତି ନିରୋଧ ବିଭାଗକୁ ଘରୋଇ କ୍ରିକେଟ ଖେଳିବାକୁ ମଧ୍ୟ ଅନୁମତି ମାଗିଛନ୍ତି ।
ଏନେଇ ନିଜ ଟ୍ବିଟର ପେଜରେ କାନେରିଆ ପିସିବି ଚେୟାରମ୍ୟାନ ଏହସାନ ମଣିଙ୍କୁ ଚିଠି ଲେଖିଛନ୍ତି । ରୋଜଗାରର ଏକମାତ୍ର ମାଧ୍ୟମ କ୍ରିକେଟରୁ ବାସନ୍ଦ ହେବାପରେ, ଆୟ ପ୍ରଭାବିତ ହୋଇଛି । ପ୍ରଫେସନାଲ୍ କ୍ରିକେଟ ଖେଳିବାକୁ ନେଇ ଆଇସିସିର ପ୍ରତିବନ୍ଧକ ଥିବାରୁ, ଏହାକୁ ହଟାଇବାକୁ ସେ ଅନୁରୋଧ କରିଛନ୍ତି । ତେବେ ପାକିସ୍ତାନ କ୍ରିକେଟ ବୋର୍ଡ ଚାହିଁଲେ କାନେରିଆଙ୍କୁ ଘରୋଇ କ୍ରିକେଟ ଅନୁମତି ପ୍ରଦାନ କରିବାକୁ ଆଇସିସିକୁ ଅନୁରୋଧ କରିପାରିବ ।
