ହାଇଦ୍ରାବାଦ: ଫଟୋ ଫଟୋରେ ଦେଖିବା ଭାରତୀୟ କ୍ରିକେଟର ଓ ତାଙ୍କ ପତ୍ନୀଙ୍କ କରୱାଚୌଥ ବ୍ରତ । ଗୁରୁବାର ଭାରତୀୟ କ୍ରିକେଟର କପୁଲ୍ ଏହି ବ୍ରତ ରଖିଥିଲେ। ଏହା ସହ ସୋସିଆଲ ମିଡିଆରେ ନିଜ ନିଜ ପତ୍ନୀଙ୍କ ସହ ଫଟୋ ମଧ୍ୟ ସେୟାର କରିଥିଲେ।
ତାଲିକାରେ ପ୍ରଥମ ଆସୁଛନ୍ତି ଭାରତୀୟ ଅଧିନାୟ ବିରାଟ କୋହଲି ଓ ତାଙ୍କ ପତ୍ନୀ ଅନୁଷ୍କା ଶର୍ମା । ବିରୁଷ୍କା ନାମରେ ଚର୍ଚ୍ଚିତ ଏହି ଯୋଡିଙ୍କ ଫଟୋ ସୋସିଆଲ ମିଡିଆରେ ଟ୍ରେଣ୍ଡ କରୁଥିଲା । ଗତକାଲି ବିରାଟ ଅନୁଷ୍କାଙ୍କ ସହ ଏକାଠି ଉପବାସ କରିଥିଲେ । 32 ବର୍ଷିୟ ବିରାଟ ପତ୍ନୀ ଅନୁଷ୍କା ଶର୍ମାଙ୍କ ସହ କରୱାଚୌଥ ପାଳିବାର ଫଟୋ ଟ୍ବିଟରରେ ସେୟାର କରିଥିଲ । ବିରାଟ ଲେଖିଛନ୍ତି ଅନୁଷ୍କା ସହ ଏକାଠି ଉପବାସ ଓ ଏକାଠି ହସ ।
ସେହିପରି ଭାରତୀୟ ପେସ ବୋଲର ଭୁବନେଶ୍ବର କୁମାର ମଧ୍ୟ ତାଙ୍କ ପତ୍ନୀଙ୍କ ସହ କରୱାଚୌଥ ବ୍ରତ ପାଳିଥିଲେ। ଏହା ସହିତ ଏକ ଫଟୋ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ମଧ୍ୟ ସେୟାର କରିଥିଲେ।
ଅନ୍ୟପଟେ ପୂର୍ବତନ କ୍ରିକେଟର ବିରେନ୍ଦ୍ର ସେହ୍ବାଗ ମଧ୍ୟ ତାଙ୍କ ପତ୍ନୀଙ୍କ ସହ କରୱାଚୌଥ ବ୍ରତ ପାଳିଥିଲେ।
ସେହିପରି ଭାରତୀୟ ଓପନିଂ ଯୋଡି ରୋହିତ ଶର୍ମା ଓ ଶିଖର ଧୱନ ନିଜ ପତ୍ନୀଙ୍କ ସହ କରୱା ଚୌଥ ବ୍ରତ ପାଳିଥିଲେ।
