ନୂଆଦିଲ୍ଲୀ: ପ୍ରାୟ 13 ବର୍ଷ ଭାରତକୁ ପ୍ରତିନିଧିତ୍ବ କରିବାପରେ ପୂର୍ବତନ କ୍ରିକେଟର ସୁରେଶ ରାଇନା ଦେଶରେ ବ୍ଲଡ୍ କ୍ୟାନସର ନେଇ ସଚେତନତା କାର୍ଯ୍ୟକ୍ରମରେ ନିଜକୁ ସାମିଲ କରିଛନ୍ତି ।
ବ୍ଲଡ୍ କ୍ୟାନସର ବିରୋଧରେ ଲଢେଇ ଓ ଥାଲାସେମିଆ ଓ ଆପ୍ଲାଷ୍ଟିତ ଆନେମିଆ ଭଳି ରୋଗ ବିରୋଧରେ କାର୍ଯ୍ୟରତ DKMS BMST ଫାଉଣ୍ଡେସନ ନନ୍-ଫ୍ରଫିଟ ସଂସ୍ଥା ସହ ଯୋଡି ହୋଇଛନ୍ତି ରାଇନା ।
ହେମୋଟୋଲୋଜିକାଲ କ୍ୟାନସର ମାମଲାରେ ବିଶ୍ବରେ 3ୟ ସ୍ଥାନରେ ରହିଛି ଭାରତ । ପ୍ରତିବର୍ଷ ଏହି ରୋଗରେ ଭାରତରେ 70 ହଜାର ଲୋକେ ମୃତ୍ୟୁମୁଖରେ ପଡୁଛନ୍ତି ଓ ଏକ ଲକ୍ଷରୁ ଅଧିକ ବ୍ଲଡ କ୍ୟାନସରରେ ଆକ୍ରାନ୍ତ ଚିହ୍ନଟ ହେଉଛନ୍ତି । ଏପରିକି ପ୍ରତ୍ୟେକ 5 ମିନିଟରେ ଦେଶରେ କେହି ନା କେହି ଏହି ରୋଗରେ ଚିହ୍ନଟ ହେଉଛନ୍ତି ଓ ଚିନ୍ତାର ବିଷୟ ଏହା ଯେ ଚିହ୍ନଟ ମାମଲା ମଧ୍ୟ ଅଧିକାଂଶ ଯୁବକ ଓ କମ ବୟସର ।
ରାଇନା ଏକ ଭିଡିଓ ଜାରି କରିବା ସହ ସମସ୍ତ ଭାରତୀୟଙ୍କୁ ବ୍ଲଡ ଷ୍ଟିମ ସେଲ ଡୋନରରେ ପଞ୍ଜିକୃତ କରିବାକୁ ଅପିଲ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
