ଆଣ୍ଟିଗୁଆ: ୱେଷ୍ଟଇଣ୍ଡିଜ କ୍ରିକେଟ ବୋର୍ଡର ବଡ ଘୋଷଣା । 50 ପ୍ରତିଶତ ପର୍ଯ୍ୟନ୍ତ ସାମୟିକ ଦରମା ଓ ଫଣ୍ଡ କାଟ ଘୋଷଣା କରିଛି ବୋର୍ଡ ।
ଏହି ନୂଆ ନିୟମ ଜୁଲାଇ ପହିଲାରୁ ଲାଗୁ ହେବ । ୱେଷ୍ଟଇଣ୍ଡିଜ କ୍ରିକେଟ ବୋର୍ଡର ଟେଲି କନ୍ଫରେନ୍ସିଂରେ ଜରିଆରେ ବୈଠକ ଅନୁଷ୍ଠିତ ହୋଇଛି । ଏଥିରେ ବୋର୍ଡର ଆର୍ଥିକ ପରିଚାଳନ କମିଟି ପକ୍ଷରୁ ବୋର୍ଡ ନିର୍ଦ୍ଦେଶକ ଦରମା କାଟ ପ୍ରସ୍ତାବ ଗ୍ରହଣ କରିଥିଲେ ।
ପରେ CWI ସଭାପତି ରିକି ସ୍କେରିଟ ଏନେଇ ଘୋଷଣା କରିଥିଲେ । ମହାମାରୀ କୋରୋନା ଭାଇରସ ଯୋଗୁଁ ମାର୍ଚ୍ଚରୁ ବିଶ୍ବରେ ସମସ୍ତ ପ୍ରକାର କ୍ରିକେଟ ଇଭେଣ୍ଟ ବନ୍ଦ ରହିଛି । ଅନ୍ୟପଟେ କେବେ ନୀୟମିତ ଭାବେ ଅନ୍ତର୍ଜାତୀୟ କ୍ରିକେଟ ଫେରିବ, ସେନେଇ ମଧ୍ୟ ଚିତ୍ର ସ୍ପଷ୍ଟ ହୋଇନାହିଁ ।
