ହାଇଦ୍ରାବାଦ: 3 ନମ୍ବର ସ୍ଥାନରେ ଖେଳି ଚେତେଶ୍ବର ପୂଜାରା ଭାରତ ପାଇଁ ଅଷ୍ଟ୍ରେଲିଆ ମାଟିରେ ଦୁଇଟି ଟେଷ୍ଟ ସିରିଜ ବିଜେତା ହୋଇଛନ୍ତି । 2018-19 ଟିମ ଇଣ୍ଡିଆର ଅଷ୍ଟ୍ରେଲିଆ ଗସ୍ତରେ, ଟେଷ୍ଟ କ୍ରିକେଟରେ ପୂଜାରା ଦେଖାଇଥିଲେ ନିଜର ପରାକ୍ରମ । ପୂଜାରା 3ଟି ଶତକ ହାସଲ କରିବା ସହ ଶକ୍ତିଶାଳୀ କାଙ୍ଗରୁ ବୋଲିଂ ଆକ୍ରମଣର 1200 ବଲ୍ ଏକାକି ସାମ୍ନା କରିଥିଲେ ।
ଚେତେଶ୍ବର ପୂଜାରା EXCLUSIVE: 'ମାହି ଭାଇଙ୍କ ନେତୃତ୍ବରେ ଖେଳିବାକୁ ଉତ୍ସାହିତ'
ଇଣ୍ଡିଆନ ପ୍ରିମିୟର ଲିଗର 2021 ସଂସ୍କରଣ ପାଇଁ ମିନି ନିଲାମୀରେ ଚେନ୍ନାଇ ସୁପର କିଙ୍ଗ୍ସ ପୂଜାରାଙ୍କୁ କିଣି ଟିମରେ ସାମିଲ କରିଛି । ଫଳରେ ଦୀର୍ଘ ସମୟରେ ପରେ ତାଙ୍କର ଜର୍ସିର ରଙ୍ଗ ବଦଳିଛି ।
ଶେଷ ଥର ପାଇଁ ସେ 2014 ଆଇପିଏଲରେ ଖେଳିଥିଲେ । ମହେନ୍ଦ୍ର ସିଂହ ଧୋନି ଓ ଷ୍ଟିଫେନ ଫ୍ଲେମିଂଙ୍କ ସହ ଆଇପିଏଲ ଟୁର୍ଣ୍ଣାମେଣ୍ଟ ଇତିହାସରେ ଦ୍ବିତୀୟ ସଫଳତମ ଟିମ ଚେନ୍ନାଇ ସୁପର କିଙ୍ଗ୍ସ ପାଇଁ ପୂଜାରା କେତେ ଉପଯୋଗୀ ସାବ୍ୟସ୍ତ ହେଉଛନ୍ତି, ସେନେଇ ଉତ୍ସାହିତ ସମସ୍ତେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
