ସିଡନି: ନ୍ୟୁଜିଲାଣ୍ଡ ବିପକ୍ଷ 3ୟ ତଥା ଅନ୍ତିମ ଟେଷ୍ଟରେ ଶତକୀୟ ଇଂନିସ ଖେଳିଛନ୍ତି ମାର୍ନସ ଲବୁସାନ। ଏଥିସହିତ ଲବୁସାନ ନୂଆ ଦଶନ୍ଧିର ପ୍ରଥମ ଶତକ ହାସଲକାରୀ ବ୍ୟାଟ୍ସମ୍ୟାନ ହୋଇଛନ୍ତି । ଲବୁସାନ 210 ବଲରୁ 12 ଚୌକା ଓ ଗୋଟିଏ ଛକା ସହାୟତାରେ ଅପରାଜିତ130 ରନ କରିଛନ୍ତି।
3 ମ୍ୟାଚ ବିଶିଷ୍ଟ ଟେଷ୍ଟ ସିରିଜକୁ 2-0ରେ ଆଗୁଆ ଜିତିନେଇଛି ଅଷ୍ଟ୍ରେଲିଆ । 3ୟ ଟେଷ୍ଟରେ ଟସ ଜିତି ପ୍ରଥମେ ବ୍ୟାଟିଂ କରୁଛି ଅଷ୍ଟ୍ରେଲିଆ । ପ୍ରଥମ ଦିନ ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ 283/3 ରହିଛି । ଡେଭିଡ ୱାର୍ଣ୍ଣର 45, ଷ୍ଟିଭ ସ୍ମିଥ 63 ଓ ଜୋ ବର୍ଣ୍ଣସ 18 ରନ କରି ଆଉଟ ହୋଇଛନ୍ତି । ଲବୁସାନଙ୍କ ସହ ମାଥ୍ୟୁ ୱାଡେ 22 ରନ କରି ଅପରାଜିତ ଅଛନ୍ତି।
