ଦୁବାଇ: ପ୍ରକାଶ ପାଇଛି ଆଇସିସି ଟେଷ୍ଟ, ଦିନିକିଆ ଓ ଟି-20 ଟିମ ମାନ୍ୟତା । ସଦ୍ୟ ପ୍ରକାଶିତ ମାନ୍ୟତା ତାଲିକାରେ ବାଜିମାରିନେଇଛି ଅଷ୍ଟ୍ରେଲିଆ । ଭାରତ ଠାରୁ ଟେଷ୍ଟ ମାନ୍ୟତାର ଶ୍ରୀର୍ଷ ସ୍ଥାନ ଛଡାଇନେଇଛି କଙ୍ଗାକୁ ଟିମ । କେବଳ ଟେଷ୍ଟ ନୁହେଁ ଟି-20 ମାନ୍ୟତାର ଶୀର୍ଷରେ ମଧ୍ୟ ପହଞ୍ଚିଛି ଅଷ୍ଟ୍ରେଲିଆ ।
116 ପଏଣ୍ଟ ସହ ଟେଷ୍ଟ ମାନ୍ୟତାର ପ୍ରଥମ ସ୍ଥାନରେ ଅଷ୍ଟ୍ରେଲିଆ, 115 ପଏଣ୍ଟ ସହ ନ୍ୟୁଜିଲାଣ୍ଡ ଦ୍ବିତୀୟ ଓ ଭାରତ 114 ପଏଣ୍ଟ ସହ 3ୟ ସ୍ଥାନକୁ ଖସି ଆସିଛି । ଆଇସିସି ଦିନିକିଆ ମାନ୍ୟତାରେ 127 ପଏଣ୍ଟ ସହ ପ୍ରଥମ ସ୍ଥାନରେ 2019 ବିଶ୍ବକପ ଚମ୍ପିଆନ ଇଂଲଣ୍ଡ ରହିଛି । 119 ପଏଣ୍ଟ ସହ ଟିମ ଇଣ୍ଡିଆ ଦ୍ବିତୀୟ ଓ ନ୍ୟୁଜିଲାଣ୍ଡ 116 ପଏଣ୍ଟ ସହ 3ୟ ସ୍ଥାନରେ ରହିଛି ।
ଟି-20 ମାନ୍ୟତାରେ 278 ପଏଣ୍ଟ ସହ ତାଲିକାର ଶୀର୍ଷର ରହିଛି ଅଷ୍ଟ୍ରେଲିଆ । 268 ପଏଣ୍ଟ ସହ ଇଂଲଣ୍ଡ ଦ୍ବିତୀୟ, 266 ପଏଣ୍ଟ ସହ ଭାରତ ତୃତୀୟ ସ୍ଥାନରେ ରହିଛି । ପୂର୍ବରୁ ମାନ୍ୟତାର ଶୀର୍ଷରେ ଥିବା ପାକିସ୍ତାନ 4ର୍ଥ ସ୍ଥାନକୁ ଖସିଆସିଛି ।
