ସିଡନୀ: ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ପୂର୍ବରୁ ମଙ୍ଗଳବାର ଜୋରଦାର ଅଭ୍ୟାସ କରିଛି ଭାରତୀୟ ଦଳ । ଚଳିତ ବର୍ଡର ଗାଭାସ୍କର ଟ୍ରଫି ସିରିଜରେ ଆଗୁଆ ହେବା ଲକ୍ଷ୍ୟରେ ରହିଛନ୍ତି ରାହାଣେ ଆଣ୍ଡ କୋ ।
4 ମ୍ୟାଚ ବିଶିଷ୍ଟ ବର୍ଡର ଟ୍ରଫି ସିରିଜ 1-1ରେ ବରାବର ରହିଛି । ତେବେ ରୋହିତ ଶର୍ମା ଦଳରେ ସାମିଲ ହେବାପରେ ଭ୍ରମଣକାରୀ ଦଳର ଆତ୍ମବିଶ୍ବାସ ବୃଦ୍ଧି ପାଇଛି ।
-
#TeamIndia getting into the groove ahead of the third #AUSvIND Test in Sydney 💪💪
— BCCI (@BCCI) January 5, 2021 " class="align-text-top noRightClick twitterSection" data="
📸📸: Getty Images Australia pic.twitter.com/izostuAm6N
">#TeamIndia getting into the groove ahead of the third #AUSvIND Test in Sydney 💪💪
— BCCI (@BCCI) January 5, 2021
📸📸: Getty Images Australia pic.twitter.com/izostuAm6N#TeamIndia getting into the groove ahead of the third #AUSvIND Test in Sydney 💪💪
— BCCI (@BCCI) January 5, 2021
📸📸: Getty Images Australia pic.twitter.com/izostuAm6N
ବିସିସିଆଇ ପକ୍ଷରୁ ମଙ୍ଗଳବାର ଖେଳାଳି ନେଟ୍ସରେ ଝାଳ ବୁହାଉଥିବାର ଫଟୋ ସେୟାର କରାଯାଇଛି । ଏଥିସହ ଅବିଶିଷ୍ଟ ଦୁଇଟି ମ୍ୟାଚ ପାଇଁ ଭାରତୀୟ ଟିମ ସମସ୍ତ ବିଭାଗରେ ଭଲ ପ୍ରଦର୍ଶନ ପାଇଁ ଜୋରଦାର ଅଭ୍ୟାସ କରୁଥିବା ସ୍ପଷ୍ଟ କରିଛି । ରବିଚନ୍ଦ୍ରନ ଅଶ୍ବିନ ଓ ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତଙ୍କୁ ମଧ୍ୟ ଅଭ୍ୟାସ କରୁଥିବା ଦେଖାଯାଇଛି । ସେହିପରି ଗତ ମ୍ୟାଚର ହିରୋ ମହମ୍ମଦ ସିରାଜ ନେଟ୍ସରେ ତୃତୀୟ ଟେଷ୍ଟ ପାଇଁ ପ୍ରସ୍ତୁତି କରିଛନ୍ତି ।
ଶନିବାର ଭାରତୀୟ ଦଳ ମେଲବୋର୍ଣ୍ଣରେ ଅଭ୍ୟାସ କରିଥିବାବେଳେ, ରବିବାର ମେଲବୋର୍ଣ୍ଣ କ୍ରିକେଟ ଗ୍ରାଉଣ୍ଡରେ ବର୍ଷାଯୋଗୁଁ ଅଭ୍ୟାସ ବାତିଲ ହୋଇଥିଲା ।
ତେବେ ବ୍ୟାଟ୍ସମ୍ୟାନ କେଏଲ ରାହୁଲ ଆହତ ହେବା ସହ ଅବିଶିଷ୍ଟ ଦୁଇଟି ଟେଷ୍ଟରୁ ବାଦ ପଡିଛନ୍ତି । ରାହୁଲ ଭାରତ ଫେରିବା ସହ, ବେଙ୍ଗାଲୁରୁ ସ୍ଥିତ ଜାତୀୟ କ୍ରିକେଟ ଏକାଡେମୀରେ ଚିକିତ୍ସା କରାଇବେ । ଜାନୁଆରୀ 7ରୁ ସିଡନୀରେ ତୃତୀୟ ଟେଷ୍ଟ ଆରମ୍ଭ ହେବ । ସେଥିପାଇଁ ସୋମବାର ଉଭୟ ଭାରତ ଓ ଅଷ୍ଟ୍ରେଲିଆ ଦଳ ସିଡନୀରେ ପହଞ୍ଚିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
