ନୂଆଦିଲ୍ଲୀ: ନିକଟରେ କ୍ରିକେଟର ସମସ୍ତ ଫର୍ମାଟରୁ ଅବସସର ଘୋଷଣା କରିଥିଲେ ଭାରତୀୟ ଦଳର ମଧ୍ୟକ୍ରମ ବ୍ୟାଟ୍ସମ୍ୟାନ ଅମ୍ବାତି ରାୟୁଡୁ । ତେବେ ବିଶ୍ବକପ ଦଳରୁ ବାରମ୍ବାର ବାଦ ପଡିବା ପରେ ରାୟୁଡୁ ଏହି ନିଷ୍ପତ୍ତି ନେଇଥିବା ଚର୍ଚ୍ଚା ହେଉଛି । ମାତ୍ର ଶନିବାର ରାୟୁଡୁ ଏକ ବୟାନ ଦେଇ କହିଛନ୍ତି, ସେ ଏବେ ବି ଦଳରେ ଦିନିକିଆ କ୍ରିକେଟ ଖେଳିବାକୁ ଚାହାଁନ୍ତି ।
ଯେବେକି, ରାୟୁଡୁ ଆଗାମୀ ଆଇପିଏଲରେ ଚେନ୍ନାଇ ପକ୍ଷରୁ ଖେଳ ଜାରି ରଖିବେ ବୋଲି ସ୍ପଷ୍ଟ ମତଦେଇ ସାରିଛନ୍ତି । ତେବେ ରାୟୁଡୁ କହିଛନ୍ତି, “ମୁଁ ନିଶ୍ଚିତ ଭାବେ 2020ରେ ଚେନ୍ନାଇ ସୁପରକିଙ୍ଗସ ପକ୍ଷରୁ ଆଇପିଏଲ୍ ଖେଳିବି । ଏଥିସହ ମୁଁ ହ୍ବାଇଟ୍ ବଲ ଅନ୍ତର୍ଜାତୀୟ ମ୍ୟାଚ୍ ଖେଳିବାକୁ ଚାହିଁବି । ଏବେ ମୋର ପ୍ରଥମ ଲକ୍ଷ୍ୟ ରାୟୁଡୁଙ୍କ ଏଭଳି ବୟାନ ପରେ ସେ ଅବସର ସମ୍ପର୍କରେ ୟୁ-ଟର୍ଣ୍ଣ ନେଇଥିବା କୁହାଯାଉଛି ।
