ହାଇଦ୍ରାବାଦ: କୁହାଯାଏ କ୍ରିକେଟ ଏବଂ ଗ୍ଲାମର ବହୁତ ପାଖାପାଖି । ଏପରିକି ଅନେକ ସମୟରେ କ୍ରିକେଟର ଗ୍ଲାମର ଦୁନିଆରେ ଏଣ୍ଟ୍ରି ମାରିବା ଘଟଣାର ମଧ୍ୟ ନଜିର ରହିଛି । ତେବେ ଆଇପିଏଲରେ ମଧ୍ୟ ଏକାଧିକ ସମୟରେ ଗ୍ଳାମର ଝଲକ ଦେଖିବାକୁ ମିଳିଥାଏ । ଏପରି ଘଟଣା ମଧ୍ୟ ସଦ୍ୟ ସମାପ୍ତ ଆଇପିଏଲରେ ଘଟିଛି । ଆଇପିଏଲ ସରିଯାଇଛି ହେଲେ ‘ଭାଇରାଲ ସୁନ୍ଦରୀ’ଙ୍କ ଚର୍ଚ୍ଚା ଧମୁନି । ସୋସିଆଲ ମିଡିଆରେ ରାତାରାତି ଷ୍ଟାର ବନିଯାଇଛନ୍ତି ଆଇପିଏଲର ସୁନ୍ଦରୀ ଫ୍ୟାନ ।
ସେମିତି କିଛି ହୋଇଛି ଆଇପିଏଲ ଫାଇନାଲ ମ୍ୟାଚରେ । ସୁପର ସନଡେରେ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପରକିଙ୍ଗ୍ସ ମଧ୍ୟରେ ଫାଇନାଲ ମୁକାବଲା ହାଇଦ୍ରାବାଦରେ ଚାଲୁଥିଲା । ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଖଚାଖଚ ଫ୍ୟାନ । ଫାଇନାଲ ମ୍ୟାଚ ଦେଖିବାକୁ ସମସ୍ତଙ୍କ ମଧ୍ୟରେ ପ୍ରବଳ ଉତ୍ସାହ । ଏତିକି ବେଳେ ଦର୍ଶକ ଗ୍ୟାଲେରୀ ଆଡକୁ ପଡିଥିଲା କ୍ୟାମେରାର ଲେନ୍ସ । ଅଚାନକ ମୁମ୍ବାଇ ଇଣ୍ଡିଆନ୍ସର ଜର୍ସିରେ କ୍ୟାମେରା ଫ୍ରେମରେ ଜଣେ ସୁନ୍ଦରୀ ଯୁବତୀଙ୍କୁ ଦେଖିବାକୁ ମିଳିଥିଲା । ବାସ୍ ଅଳ୍ପ କିଛି ସେକେଣ୍ଡ ପାଇଁ କ୍ୟାମେରାରେ କଏଦ ହେଲାପରେ, ଯୁବତୀ ଜଣଙ୍କ ପାଲଟି ଯାଇଛନ୍ତି ଭାଇରାଲ ସୁନ୍ଦରୀ ।
ଏବେ ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି ଯୁବତୀ ଜଣକ । ନାଁ ତାଙ୍କର ଅଦିତୀ ହୁନ୍ଦିଆ । ଭାଇରାଲ ହେଉଛି ତାଙ୍କର ସବୁ ଫଟୋ । ରାତିକ ଭିତରେ 10 ହଜାରରୁ ଅଧିକ ଫଲୋର୍ସ ବଢିଗଲେଣି ତାଙ୍କର । ଅନେକ ତାଙ୍କୁ ମୁମ୍ବାଇ ଇଣ୍ଡିଆନ୍ସର ଯୁବ ବ୍ୟାଟ୍ସମ୍ୟାନ ଇଶାନ୍ତ କିଶାନଙ୍କ ଗାର୍ଲ ଫ୍ରେଣ୍ଡ ବୋଲି କହୁଛନ୍ତି ।
ଅଦିତୀ ପ୍ରଥମ ଯୁବତୀ ନୁହଁନ୍ତି । ପୂର୍ବରୁ ରୟାଲ ଚାଲେଞ୍ଜର୍ସ ବାଙ୍ଗାଲୋରର ଦିପୀକା ଘୋଷ ନାମକ ଜଣେ ପ୍ରଶଂସକଙ୍କ ଫଟୋ ମଧ୍ୟ ଭାଇରାଲ ହୋଇଥିଲା
ବ୍ୟୁରୋ ରିପୋର୍ଟ, ଇଟିଭି ଭାରତ
