କାବୁଲ: ଆଫଗାନିସ୍ତାନ ଟିମର ନୂଆ କ୍ରିକେଟ ନିର୍ଦ୍ଦେଶକ ନିଯୁକ୍ତ ହୋଇଛନ୍ତି ପୂର୍ବତନ କ୍ୟାପଟେନ ରଇସ ଅହମଦଜାଇ । ଏନେଇ ଆଫଗାନିସ୍ତାନ କ୍ରିକେଟ ବୋର୍ଡ ପକ୍ଷରୁ ସୋମବାର ଘୋଷଣା କରାଯାଇଛି । ଅହମଦଜାଇ ପୂର୍ବରୁ ସିନିୟର ଜାତୀୟ ଟିମର କୋଚ ମଧ୍ୟ ରହିଛନ୍ତି ।
ମୁଖ୍ୟ ଚୟନକର୍ତ୍ତା ଓ କ୍ରିକେଟ ନିର୍ଦ୍ଦେଶକ ଦୁଇଟି ପଦରେ ଥିବା ଆଣ୍ଡି ମୋଲସଙ୍କ ସ୍ଥାନ ନେଇଛନ୍ତି ଅହମଦଜାଇ ।
ପରିଚାଳନା ଦୃଷ୍ଟିରୁ ନୂତନ ନିଯୁକ୍ତି ଜାତୀୟ ଟିମକୁ ଅଧିକ ଶକ୍ତିଶାଳୀ କରିବ ବୋଲି ବୋର୍ଡ ପକ୍ଷରୁ କୁହାଯାଇଛି । ପୂର୍ବରୁ 19 ବର୍ଷରୁ କମ ଟିମର ମୁଖ୍ୟ କୋଚ ଭାବେ ମଧ୍ୟ କାର୍ଯ୍ୟ କରିଛନ୍ତି ଅହମଦଜାଇ । ଫଳରେ ତାଙ୍କର ଅଭିଜ୍ଞତା ଜାତୀୟ ଟିମ ପାଇଁ ଫାଇଦାମାନ ସାବ୍ୟସ୍ତ ହେବା ନେଇ ବୋର୍ଡ ଆଶାବାଦୀ ରହିଛି ।
ପୂର୍ବତନ ଆଫଗାନିସ୍ତାନ କ୍ୟାପଟେନ ଅହମଦଜାଇ 5ଟି ଦିନିକିଆ ଓ 8ଟି ଟି-20 ମ୍ୟାଚ ଖେଳିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
