ହାଇଦ୍ରାବାଦ: ଅଷ୍ଟ୍ରେଲିଆ ଗସ୍ତ ପରେ ଟିମ୍ ଇଣ୍ଡିଆ ସ୍ବଦେଶ ଫେରିଛି । ସିଡନୀ ଟେଷ୍ଟର ହିରୋ ହନୁମା ବିହାରୀ ଏବଂ ସିରାଜ ମହମ୍ମଦ ଗୁରୁବାର ସକାଳେ ହାଇଦ୍ରାବାଦ ସମସାବାଦ ବିମାନବନ୍ଦରରେ ପହଞ୍ଚିଛନ୍ତି । କ୍ରିକେଟରମାନଙ୍କୁ ସେମାନଙ୍କ ଫ୍ୟାନ୍ସ ପୁଷ୍ପଗୁଚ୍ଛ ସହ ସ୍ବାଗତ କରିଥିଲେ । ଅଷ୍ଟ୍ରେଲିଆ ବିପକ୍ଷ ଦ୍ବିତୀୟ ଟେଷ୍ଟ ସହିତ ଲଙ୍ଗ୍ ଫର୍ମାଟରେ ପ୍ରବେଶ କରିଥିବା ହାଇଦ୍ରାବାଦର ମହମ୍ମଦ ସିରାଜ ସିରିଜ୍ ଶେଷ ସୁଦ୍ଧା ଭାରତ ପାଇଁ ସର୍ବାଧିକ ୱିକେଟ୍ ନେଇଛନ୍ତି (13)।
ଦୁଇଟି ଟେଷ୍ଟର ଅଭିଜ୍ଞତା ସହିତ ସେ ଗତ ମ୍ୟାଚରେ ଭାରତୀୟ ବୋଲିଂ ଫୋର୍ସର ନେତୃତ୍ବ ନେଇଥିଲେ। ଯଦିଓ ସେ ପ୍ରଥମ ଇନିଂସରେ ମାତ୍ର ଗୋଟିଏ ୱିକେଟ୍ ନେଇଥିଲେ, ଦ୍ବିତୀୟ ଇନିଂସରେ ସେ ପାଞ୍ଚଟି ୱିକେଟ୍ ନେଇ ପାରିଥିଲେ । ଆଜି(ଗୁରୁବାର) ଅଷ୍ଟ୍ରେଲିଆ ଗସ୍ତ ସମ୍ପର୍କରେ ସିରାଜ ହାଇଦ୍ରାବାଦସ୍ଥିତ ତାଙ୍କ ବାସଭବନରେ ଏକ ସାମ୍ବାଦିକ ସମ୍ମିଳନୀ କରିବେ। ପାଞ୍ଚ ଦିନ ବିଶ୍ରାମ ନେବା ପରେ ସିରାଜ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଖେଳିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
