ନୂଆଦିଲ୍ଲୀ: ଭାରତୀୟ ଦ୍ରୁତ ବୋଲର ଭୁବନେଶ୍ବର କୁମାରଙ୍କ (Bhuvneshwar Kumar)ଘରକୁ ଆସିଛି ଖୁସି ଖବର । କନ୍ୟା ସନ୍ତାନର (Blessed With A Baby Girl) ବାପା ହୋଇଛନ୍ତି ଭୁବନେଶ୍ବର କୁମାର । ଚତୁର୍ଥ ବିବାହ ବାର୍ଷିକୀର ପରଦିନ ଭୁବିଙ୍କ ଘରକୁ ଏହି ନୂଆ ଅତିଥି ଆସିଛନ୍ତି।
ଦିଲ୍ଲୀର ପୋର୍ଟିସ ହସ୍ସିଟାଲରେ ତାଙ୍କ ପତ୍ନୀ ନୁପୂର କନ୍ୟା ସନ୍ତାନକୁ ଜନ୍ମ ଦେଇଛନ୍ତି । ଏ ନେଇ ସୋସିଆଲ ମିଡିଆରେ ଜଣାଇଛନ୍ତି ଭୁବନେଶ୍ବର କୁମାର । ସେ ଲେଖିଛନ୍ତି ଆଜି ମୁଁ ମୋ ଜୀବନର ସବୁଠୁ ବଡ ଖୁସି ପାଇଛି । ବାପା ହେବାର ସୌଭାଗ୍ୟ ଲାଭ କରିଥିବାରୁ ସୌସିଆଲ ମିଡିଆରେ ଖୁସି ବ୍ୟକ୍ତ କରିଛନ୍ତି ଭୁବି । ଉଭୟ ଭୁବନେଶ୍ବର ଓ ନୁପୁରଙ୍କ ଏହା ପ୍ରଥମ ସନ୍ତାନ।
ଏ ନେଇ ଭୁବିଙ୍କୁ ଛୁଟିଛି ଶୁଭେଚ୍ଛାର ସୁଅ । ସଚିନ ତେନ୍ଦୁଲକର, ସୁରେଶ ରୈନା, ଆରପି ସିଂ ସମେତ କ୍ରିକେଟର ଶୁଭେଚ୍ଛା ଜଣାଇଛନ୍ତି । ପ୍ରକାଶ ଥାଉ କି, ୨୦୧୭ ନଭେମ୍ବର ୨୩ରେ ଭୁବି ଓ ନୁପୁର ବିବାହ କରିଥିଲେ ।
ବ୍ୟୁରୋ ରିପୋର୍ଟ,ଇଟିଭି ଭାରତ
