କାରାରା ଓଭାଲ(କୁଇନ୍ସଲ୍ୟାଣ୍ଡ୍): ଏଠାରେ ଖେଳାଯାଇଥିବା ମହିଳା ଟି-୨୦ ମ୍ୟାଚ୍ରେ ଭାରତକୁ ୪ ୱିକେଟରେ ହରାଇଛି ଅଷ୍ଟ୍ରେଲିଆ । ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜର ଦ୍ବିତୀୟ ମ୍ୟାଚ୍ରେ ଭାରତୀୟ ବ୍ୟାଟର୍ଙ୍କ ନୈରାଶାଜନକ ପ୍ରଦର୍ଶନ ଦେଖିବାକୁ ମିଳିଥିଲା । ଲକ୍ଷ୍ୟ ଛୋଟିଆ ଥିବାରୁ ସମସ୍ତ ପ୍ରୟାସ ସତ୍ତ୍ବେ ପରାଜୟ ଏଡାଇବାରେ ବୋଲର ବିଫଳ ହୋଇଛନ୍ତି । ଫଳରେ ଏହି ବିଜୟ ସହ ମଲ୍ଟି ଫର୍ମାଟ ସିରିଜକୁ ଘରୋଇ ଅଷ୍ଟ୍ରେଲିଆ ୯-୫ରେ ଜିତିନେଇଛି ।
ପ୍ରଥମେ ବ୍ୟାଟିଂ କରି ଭାରତ ୯ ୱିକେଟ ହରାଇ ମାତ୍ର ୧୧୮ ରନ୍ କରିବାକୁ ସମର୍ଥ ହୋଇଥିଲା । ପୂଜା ବସ୍ତ୍ରକର ୨୬ ବଲ୍ରି ୩୭ ରନ୍ର ଉପଯୋଗୀ ଇଂନିସ ଖେଳିଥିଲେ ।
ଏହାପରେ ୧୧୯ ରନ୍ର ବିଜୟ ଲକ୍ଷ୍ୟକୁ ୧୯.୧ ଓଭରରେ ହାସଲ କରିନେଇଥିଲା ଅଷ୍ଟ୍ରେଲିଆ । ରୁକି ମାଗ୍ରାଥ ୩୩ ବଲ୍ରୁ ଅପରାଜିତ ୪୨ ରନ୍ର ମ୍ୟାଚ୍ ଇଂନିସ ଖେଳିଥିଲେ । ଭାରତ ପକ୍ଷରୁ ୧୮ତମ ଓଭର ବୋଲିଂ କରିଥିବା ଶିଖା ପାଣ୍ଡେଙ୍କ ଓଭରରୁ ୧୪ ରନ୍ ସଂଗ୍ରହ କରିବାସହ ମ୍ୟାଚ୍ ଛଡାଇ ନେଇଥିଲେ ମାଗ୍ରାଥ୍ । ୧୯ତମ ଓଭରରେ ରେଣୁକା ସିଂ ୧୩ ରନ୍ ବ୍ୟୟ କରି ମହଙ୍ଗା ସାବ୍ୟସ୍ତ ହେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
