ମୁମ୍ବାଇ: ଜୀବନରେ ନୂଆ ଇଂନିସ ଆରମ୍ଭ କଲେ ୱିକେଟ କିପର ବ୍ୟାଟର ଲୋକେଶ ରାହୁଲ । ଦୀର୍ଘ ଦିନର ବାନ୍ଧବୀ ଆଥିଆ ସେଟ୍ଟୀଙ୍କ ସହିତ ଆଜି (ସୋମବାର) ସାତ ଫେରା ନେଇଛନ୍ତି ରାହୁଲ । ଭାରତୀୟ କ୍ରିକେଟର ରାହୁଲ ଏବଂ ଅଭିନେତ୍ରୀ ଆଥିଆ ସେଟ୍ଟୀ ହାତକୁ ଦି ହାତ ହୋଇଛି । ମୁମ୍ବାଇସ୍ଥିତ ସୁନୀଲ ସେଟ୍ଟୀଙ୍କ ଖଣ୍ଡାଲା ଫାର୍ମ ହାଉସରେ ଉଭୟଙ୍କ ବିବାହ ଆଜି ସମ୍ପନ୍ନ ହୋଇଛି । ଏନେଇ ଆଥିଆ ସେଟ୍ଟୀଙ୍କ ପିତା ତଥା ବରିଷ୍ଠ ଅଭିନେତା ସୁନୀଲ ସେଟ୍ଟୀ ଗଣମାଧ୍ୟମରେ ସୂଚନା ଦେଇଛନ୍ତି । ହେଲେ ଉଭୟଙ୍କ ବିବାହ ସମୟରେ ଫଟୋ ଏପର୍ଯ୍ୟନ୍ତ ସୋସିଆଲ ମିଡିଆରେ ପ୍ରକାଶ ପାଇନାହିଁ । ଯାହା ଉଭୟଙ୍କ ଫ୍ୟାନ୍ସ ଚାତକ ପରି ଚାହିଁ ରହିଛନ୍ତି ।
-
“In your light, I learn how to love…” ♥️
— K L Rahul (@klrahul) January 23, 2023 " class="align-text-top noRightClick twitterSection" data="
Today, with our most loved ones, we got married in the home that’s given us immense joy and serenity. With a heart full of gratitude and love, we seek your blessings on this journey of togetherness. 🙏🏽@theathiyashetty pic.twitter.com/1VWxio5w6W
">“In your light, I learn how to love…” ♥️
— K L Rahul (@klrahul) January 23, 2023
Today, with our most loved ones, we got married in the home that’s given us immense joy and serenity. With a heart full of gratitude and love, we seek your blessings on this journey of togetherness. 🙏🏽@theathiyashetty pic.twitter.com/1VWxio5w6W“In your light, I learn how to love…” ♥️
— K L Rahul (@klrahul) January 23, 2023
Today, with our most loved ones, we got married in the home that’s given us immense joy and serenity. With a heart full of gratitude and love, we seek your blessings on this journey of togetherness. 🙏🏽@theathiyashetty pic.twitter.com/1VWxio5w6W
ଅଭିନେତ୍ରୀ ଆଥିଆ ସେଟ୍ଟୀ ଏବଂ ଭାରତୀୟ କ୍ରିକେଟର ଲୋକେଶ ରାହୁଲ ଦୀର୍ଘ ଦିନ ଧର ପରସ୍ପରକୁ ଡେଟିଂ କରୁଥିଲେ । ଉଭୟଙ୍କ ବିବାହ ବାବଦରେ ପୂର୍ବରୁ ବହୁତ ଗୁଜବ ଖବର ସୋସିଆଲ ମିଡିଆରେ ଭାଇରାଲ ହୋଇଥିଲା । ହେଲେ ଆଜି ଶେଷରେ ସବୁ ଗୁଜବ ଉପରେ ପରଦା ଉଠାଉ ରାହୁଲ ଓ ଆଥିୟା ସାତ ଫେରାନେଇଛନ୍ତି । ଆଜି ଉଭୟ ବିବାହ ବନ୍ଧନରେ ବାନ୍ଧି ହୋଇଛନ୍ତି । ତେବେ ଉଭୟଙ୍କ ବିବାହ ସମ୍ପନ୍ନ ହେବା ପରେ ସେମାନଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ସେପଟେ ଏପର୍ଯ୍ୟନ୍ତ ସେମାନଙ୍କ ବିବାହ ମୁହୂର୍ତ୍ତର ଫଟୋ ସୋସିଆଲ ମିଡିଆରେ ଆସି ନଥିବା ବେଳେ ଉଭୟ ଗଣମାଧ୍ୟମ ସାମ୍ନାକୁ ମଧ୍ୟ ଆସିନାହାଁନ୍ତି ।
ସୋସିଆଲ ମିଡିଆରେ ଭାଇରାଲ ହେଲା ବାପା-ପୁଅଙ୍କ ଫଟୋ
ଆଥିୟାଙ୍କ ପିତା ସୁନୀଲ ସେଟ୍ଟୀ ଏବଂ ଭାଇ ଆହାନ ସେଟ୍ଟୀ ବିବାହରେ ପାରମ୍ପାରିକ ପୋଷାକରେ ବେଶ୍ ଆକର୍ଷିତ ଲଗୁଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୁନୀଲ ସେଟ୍ଟୀ ଷ୍ଟିଲ ଗ୍ରେ ରଙ୍ଗର ଶେରୱାନୀ ପିନ୍ଧି ଜବରଦସ୍ତ ଲୁକରେ ନଜର ଆସିଥିଲେ । ଆହାନ ସେଟ୍ଟୀ କ୍ରିମି ରଙ୍ଗର ଶେରୱାନୀ ପିନ୍ଧିଥିବା ବେଳେ ମୁଣ୍ଡରେ ତିଲକ ଲଗାଇଥିବାର ନଜର ଆସିଛନ୍ତି ।
ମିଡିଆ ରିପୋର୍ଟ ଅନୁସାରେ କେଏଲ ରାହୁଲ ଏବଂ ଆଥିଆ ସେଟ୍ଟୀଙ୍କ ବିବାହ ଉତ୍ସବରେ ଆଇପିଏଲ ଫ୍ରାଞ୍ଚାଇଜ ଲଖନଉ ସୁପର ଜିଆଣ୍ଟସର ମାଲିକ ସଞ୍ଜିବ ଗୋୟନିକା, ମେଣ୍ଟର ଗୌତମ ଗମ୍ଭୀର ଏବଂ ଫାଷ୍ଟ ବୋଲର ବରୁଣ ଆରୋନ ଯୋଗ ଦେଇଥିଲେ । ସେପଟେ ନ୍ୟୁଜିଲାଣ୍ଡ ବିପକ୍ଷରେ ଦିନିକିଆ ସିରିଜ ଜାରି ରହିଥିବା ବେଳେ ଅଧିନାୟକ ରୋହିତ ଶର୍ମା, ବିରାଟ କୋହଲି, ହାର୍ଦ୍ଦକ ପାଣ୍ଡ୍ୟା ଏବଂ ଅନ୍ୟାନ୍ୟ ଭାରତୀୟ ଖେଳାଳି ରାହୁଲଙ୍କ ବିବାହରେ ଯୋଗ ଦେଇ ପାରିନାହାଁନ୍ତି । ତେବେ ଉଭୟଙ୍କ ପରିବାର ଆଗକୁ ଗ୍ରାଣ୍ଡ ରିସେପସନ ପାର୍ଟି ଦେବାର ଯୋଜନା ରହିଛି । ଯେଉଁଥିରେ ୩୦୦୦ ଅତିଥି ସାମିଲ ହେବେ ବୋଲି କୁହାଯାଉଛି ।
