ମାଲେସିଆ ମାଷ୍ଟର୍ସ: କ୍ବାର୍ଟର ଫାଇନାଲରେ ସାଇନା

ଦ.କୋରିଆର ଆନ ସେ ୟଙ୍ଗଙ୍କୁ ପରାସ୍ତ କରି ବ୍ୟାଡମିଣ୍ଟନ ତାରକା ସାଇନା ନେଓ୍ବାଲଙ୍କ ମାଲେସିଆ ମାଷ୍ଟର୍ସର ମହିଳା ସିଙ୍ଗଲ୍ସ ବର୍ଗର କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି ।

କୁଆଲାଲାମ୍ପୁର: ଲଣ୍ଡନ ଅଲମ୍ପିକର କାଂସ୍ୟ ପଦକ ବିଜେତା ସାଇନା ନେଓ୍ବାଲଙ୍କ ଦମ୍‌ଦାର ପ୍ରଦର୍ଶନ । ଆଜି (ଗୁରବାର) ଦ.କୋରିଆର ଆନ ସେ ୟଙ୍ଗଙ୍କୁ ପରାସ୍ତ କରି ମାଲେସିଆ ମାଷ୍ଟର୍ସର ମହିଳା ସିଙ୍ଗଲ୍ସ ବର୍ଗର କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି ସାଇନା ।

ତେବେ ସାଇନା ୟଙ୍ଗଙ୍କୁ 25-23 ଓ 21-12 ସେଟ୍‌ରେ ମାତ୍‌ ଦେଇଛନ୍ତି । ସାଇନା କ୍ବାର୍ଟର ଫାଇନାଲରେ ଅଲମ୍ପିକ ଚମ୍ପିଆନ କାରୋଲିନା ମାରିନଙ୍କ ସହ ଲଢିବେ ।