କ୍ବାଲାଲାମପୁର: ଏଠାରେ ଚାଲିଥିବା ମାଲେସିଆ ମାଷ୍ଟର୍ସ ବ୍ୟାଡମିଣ୍ଟନ ଚମ୍ପିଆନସିପର ପୁରୁଷ ବର୍ଗରେ ଭାରତକୁ ଲାଗିଛି ଝଟକା । ପୁରୁଷ ବର୍ଗରେ ଭାରତୀୟ ଷ୍ଟାର ବ୍ୟାଡମିଣ୍ଟନ ଖେଳାଳି ପାରୁପଲ୍ଲୀ କାଶ୍ୟପ ପ୍ରଥମ ମ୍ୟାଚରେ ପରାଜୟର ସ୍ବାଦ ଚାଖିଛନ୍ତି ।
ତେବେ ବୁଧବାର ଖେଳାଯାଇଥିବା ମ୍ୟାଚରେ ସେ ଜାପାନି ଖେଳାଳି କେଣ୍ଟୋ ମୋମାଟାଙ୍କଠାରୁ 17-21, 16-21ର ସିଧାସଳଖ ସେଟରେ ପରାସ୍ତ ହୋଇ ଟୁର୍ଣ୍ଣାମେଣ୍ଟରୁ ବାହାର ହୋଇଯାଛନ୍ତି । ସେହିପରି ଅନ୍ୟତମ ସର୍ଟଲର ସାଇ ପ୍ରଣୀଥ୍ ମଧ୍ୟ ପ୍ରଥମ ରାଉଣ୍ଡରେ ପରାସ୍ତ ହୋଇ ଟୁର୍ଣ୍ଣାମେଣ୍ଟରୁ ବିଦା ହୋଇଛନ୍ତି । ଏହି 27 ବର୍ଷିୟ ସର୍ଟଲର ଡେନମାର୍କ ଖେଳାଳି ରାସମୁସ ଗେମେକ୍ଙ୍କଠାରୁ 11-21, 15-21 ସେଟରେ ସିଧାସଳଖ ପରାସ୍ତ ହୋଇଛନ୍ତି ।
