ନୂଆଦିଲ୍ଲୀ: ଟୋକିଓ ଅଲମ୍ପିକ୍ସ ପୂର୍ବରୁ ଭାରତୀୟ ଷ୍ଟାର ବ୍ୟାଡମିଣ୍ଟନ ଖେଳାଳି ସାଇ ପ୍ରଣୀତଙ୍କ ବଡ ବୟାନ । ଅଲମ୍ପିକ୍ସ ପୂର୍ବରୁ ନିଜର ଫିଟନେସ୍ର ସ୍ତର ବୃଦ୍ଧି କରିବା ଲକ୍ଷ୍ୟରେ ରହିଥିବା କହିଛନ୍ତି ପ୍ରଣୀତ ।
ବିଶ୍ବର ଶ୍ରେଷ୍ଠ ଖେଳାଳିଙ୍କ ସହ ମେଗା ଇଭେଣ୍ଟରେ ମୁକାବିଲା ଥିବାରୁ ଫିଟନେସ୍ର ସ୍ତର ବୃଦ୍ଧି କରିବା ଜରୁରୀ । ବ୍ୟାଡମିଣ୍ଟନ ସ୍ତର ମଧ୍ୟ ବୃଦ୍ଧି ପାଇଥିବାରୁ ପ୍ରସ୍ତୁତି ସେହି ମାତ୍ରାରେ କରିବାକୁ ହେବ । ଅଲମ୍ପିକ ଚ୍ୟାନେଲରେ ଏହା କହିଛନ୍ତି ପ୍ରଣୀତ ।
2019 ୱାର୍ଲ୍ଡ ଚମ୍ପିଆନସିପ୍ରେ ବ୍ରୋଞ୍ଜ ପଦକ ଜିତିଥିଲେ ପ୍ରଣୀତ । ଏଥିସହ ଚଳିତ ବର୍ଷ ଅଲ ଇଂଲଣ୍ଡ ଓପନ ଟୁର୍ଣ୍ଣାମେଣ୍ଟରେ ବିଶ୍ବର ନମ୍ବର 2 ମାନ୍ୟତା ଖେଳାଳି ଭିକ୍ଟର ଆକ୍ସେଲସନଙ୍କ ସହ ମୁହାଁମୁହିଁ ହୋଇଥିଲେ । ପ୍ରଥମ ମ୍ୟାଚ 21-15ରେ ଜିତିବା ପରେ ଦ୍ବିତୀୟ ମ୍ୟାଚରେ 5-0ରେ ଅଗ୍ରଣୀ ଥିଲେ । ମାତ୍ର ଦୁର୍ଭାଗ୍ୟବଶତଃ ଡାନିସ ଖେଳାଳିଙ୍କ ଠାରୁ ପରାଜିତ ହୋଇଥିଲେ ।
28 ବର୍ଷୀୟ ହାଇଦ୍ରାବାଦୀ ଖେଳାଳି କୋରୋନା ପଜିଟିଭ ଚିହ୍ନଟ ହେବାପରେ ପ୍ରାୟ 3 ସପ୍ତାହ ପ୍ରସ୍ତୁତି ପ୍ରଭାବିତ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
