ଟୋକିଓ: ବିଶ୍ବ ବିଜୟିନୀ ପିଭି ସିନ୍ଧୁଙ୍କ ସ୍ବର୍ଣ୍ଣ ପଦକ ସ୍ବପ୍ନ ମଉଳି ଯାଇଛି । ଶନିବାର ଖେଳାଯାଇଥିବା ଏକକ ସେମିଫାଇନାରେ ରିଓ ରୌପ୍ୟ ପଦକ ହାସଲ କରିଥିବା ଟିଜୁ-ୟାଙ୍ଗିଙ୍କଠାରୁ ପରାସ୍ତ ହେବାପରେ ଫାଇନାଲରେ ପହଞ୍ଚିବାରେ ବିଫଳ ହୋଇଛନ୍ତି ସିନ୍ଧୁ । ଆଜି କାଂସ୍ୟ ପାଇଁ ଖେଳିବେ ସିନ୍ଧୁ ।
ଆଜି(ରବିବାର) କାଂସ୍ୟ ପଦକ ପାଇଁ ମୁସାଶିନୋ ଫରେଷ୍ଟ ପାର୍କରେ ଚୀନର ବିଙ୍ଗ ଜିଆଓଙ୍କୁ ଭେଟିବେ । ଏହି ମ୍ୟାଚ ଜିତିଲେ ସେ ବ୍ରୋଞ୍ଜ ପଦକ ହାସଲ କରିବେ । ସିନ୍ଧୁଙ୍କ ସ୍ବର୍ଣ୍ଣ ପଦକ ସ୍ବପ୍ନ ଧୂଳିସାତ ହୋଇଛି ସତ ହେଲେ ଅଲମ୍ପିକରେ ତୃତୀୟ ସ୍ଥାନ ପାଇଁ ତାଙ୍କ ପାଖରେ ସୁଯୋଗ ରହିଛି ।
ପ୍ରକାଶ ଥାଉ କି, ଶନିବାର ସେମି ଫାଇନାଲ ମୁକାବିଲାରେ ତାଇ ଜୁ ୟିଙ୍କଙ୍କଠାରୁ ୧୮-୨୧, ୧୨-୨୧ରେ ପାରସ୍ତ ହୋଇଥିଲେ । ଏହା ପୂର୍ବରୁ ଆକାନେ ୟାମାଗୁଚିଙ୍କୁ ହରାଇବା ପର ସମଗ୍ର ଭାରତୀୟଙ୍କ ନଜର ସିନ୍ଧୁଙ୍କ ଉପରେ ଥିଲା । ରିଓ ଅଲମ୍ପିକରେ ଅଳ୍ପକେ ସ୍ବର୍ଣ୍ଣ ପଦକ ହାତଛଡା କରିଥିବା ସିନ୍ଧୁ ଏଥର ଟୋକିଓରେ ସଫଳତା ଅର୍ଜନ କରି ଇତାହାସ ରଚିବେ ବୋଲି ଆଶା କରାଯାଇଥିଲା । ହେଲେ ତାଇ ଜୁଙ୍କ ପ୍ରଦର୍ଶନ ଆଗରେ ସିନ୍ଧୁଙ୍କ ରଣନୀତି ବିଫଳ ହୋଇଛି ।
ବ୍ୟୁରେ ରିପୋର୍ଟ,ଇଟିଭି ଭାରତ
