ଟୋକିଓ: ସିନ୍ଧୁଙ୍କ ସଫଳତାରେ ସାରା ଦେଶବାସୀ ଖୁସି ମନାଇ ଶୁଭେଚ୍ଛା ଜଣାଉଥିବାବେଳେ ସିନିୟର ସର୍ଟଲର ସାଇନା ନେହୱାଲଙ୍କୁ ନେଇ କିଛି ଭିନ୍ନ ଖବର ରହିଛି । ସୋମବାର ସିନ୍ଧୁ କହିଛନ୍ତି, ନ୍ୟାସନାଲ ବ୍ୟାଡମିଣ୍ଟନ ମୁଖ୍ୟ କୋଚ୍ ପୁଲେଲା ଗୋପୀଚାନ୍ଦ ବ୍ରୋଞ୍ଜ ପଦକ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି । ମାତ୍ର ସାଇନାଙ୍କ ନିକଟରୁ ସେପରି କିଛି ଶୁଭେଚ୍ଛା ବାର୍ତ୍ତା ପାଇନାହାନ୍ତି ।
ବିଶ୍ବ ଚମ୍ପିଆନ ସିନ୍ଧୁ, ରବିବାର ଦ୍ବିତୀୟ ଭାରତୀୟ ତଥା ପ୍ରଥମ ମହିଳା ଭାବେ ଦେଶକୁ ଦୁଇଟି ଅଲମ୍ପିକ ପଦକ ଦେବାରେ ଗୌରବ ହାସଲ କରିଛନ୍ତି । ଟୋକିଓରେ ବ୍ରୋଞ୍ଜ ଜିତିଥିବାବେଳେ, ରିଓ ଅଲମ୍ପିକରେ ୫ ବର୍ଷ ତଳେ ବ୍ୟାଡମିଣ୍ଟନ ସିଙ୍ଗଲ୍ସରେ ରୌପ୍ୟରେ ଚମକିଥିଲେ ।
ଦ୍ବିତୀୟ ଅଲମ୍ପିକ ପଦକ ବିଜୟର ଗୋଟିଏ ଦିନ ପରେ ଏକ ଭର୍ଚୁଆଲ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିଛନ୍ତି ସିନ୍ଧୁ ।
କୋଚ୍ ଗୋପୀଚାନ୍ଦ ଓ ସାଇନାଙ୍କ ଠାରୁ ବିଜୟ ପରେ ଶୁଭେଚ୍ଛା ବାର୍ତ୍ତା ଆସିଛି ? ପ୍ରଶ୍ନର ଉତ୍ତରରେ ସିନ୍ଧୁ କହିଛନ୍ତି "କେବଳ ଗୋପୀ ସାର୍ ଅଭିନନ୍ଦନ ଜଣାଇଛନ୍ତି , ବାସ୍, ସୋସିଆଲ ମିଡିଆ ଦେଖିନାହିଁ ।"
ବ୍ୟୁରୋ ରିପୋର୍ଟ, ଇଟିଭି ଭାରତ
