ହାଇଦ୍ରାବାଦ: ସଲମାନ ଏବେ ନିଜ ଆଗାମୀ ଫିଲ୍ମ ଭାରତ ପାଇଁ ବ୍ୟସ୍ତ ଅଛନ୍ତି । ତେବେ ଏ ଭିତରେ ସୂଚନା ମିଳିଥିଲା କି, ଖୁବ ଶୀଘ୍ର ସଲମାନ ଡିଜିଟାଲ ଡେବ୍ୟୁ କରିପାରନ୍ତି ।
ତାଣ୍ଡବ ନାମକ ଡିଜିଟାଲ ସିରିଜ ଜରିଆରେ ଏଣ୍ଟ୍ରି କରିବେ ସଲମାନ । ଏହି ୱେବ ସିରିଜରେ ସେ କହ୍ନେୟା କୁମାରଙ୍କ ଚରିତ୍ରରେ ଅଭିନୟ କରିବେ । ତେବେ କହ୍ନେୟା କୁମାର ବିହାରର ଜଣେ ପପୁଲାର ଚେହେରା । ବର୍ତ୍ତମାନ ସମୟରେ ସେ ବିହାରର ବେଗୁସରାୟ ଆସନରେ ସିପିଆଇର ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି ।
ରିପୋର୍ଟ ଅନୁସାରେ ଏହି ୱେବ ସିରିଜର ନିର୍ଦ୍ଦେଶନା ଦେବେ ଅଲି ଅବାଜ ଜଫର । ଏହି ସବୁ ଚର୍ଚ୍ଚା ସେବେ ଆରମ୍ଭ ହେଲା, ଯେବେ କୌଣସି ଏକ ଖବରକାଗଜରେ ଏହି ବିଷୟରେ ନ୍ୟୁଜ ଲେଖିଥିଲା । ମାତ୍ର ଏହା ସମ୍ପୂର୍ଣ୍ଣ ମିଛ ବୋଲି ୱେବ ପୋର୍ଟାଲ କହିଥିଲା ।
