ମୁମ୍ବାଇ: ଫେମସ ନିର୍ମାତା ଏକତା କପୁରଙ୍କ ଧାରାବାହିକ ‘କସୌଟି ଜିନ୍ଦେଙ୍ଗୀ କି 2’ର ମୁଖ୍ୟ ଅଭିନେତା ପାର୍ଥ ସମଥାନ ଓ ବାଲାଜି ଟେଲିଫିଲ୍ମସର କ୍ରିଏଟିଭ ହେଡ ତନୁଶ୍ରୀ ଦାସଗୁପ୍ତା କୋରୋନା ପଜିଟିଭି ବାହାରିଥିଲେ । ଯାହା ପରେ ଧାରାବାହିକର ସୁଟିଂ ବନ୍ଦ କରିଦିଆଯାଇଥିଲା । ଆଉ ସେଟରେ ଥିବା ଅନ୍ୟ କଳାକାରଙ୍କର ମଧ୍ୟ କୋରୋନା ଟେଷ୍ଟ କରାଯାଇଥିଲା । ସମସ୍ତଙ୍କ ରିପୋର୍ଟ ନେଗେଟିଭ ବାହାରିଛି । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଖୁସି ଖବର ସାମ୍ନାକୁ ଆସିଛି।
ଶୁଣିବାକୁ ମିଳୁଛି ‘କସୌଟି ଜିନ୍ଦେଙ୍ଗୀ କି 2’ର ସୁଟିଂ ପୁନଃ ଆରମ୍ଭ କରାଯିବ। କାରଣ ଟେଲିକାଷ୍ଟ କରିବା ପାଇଁ ମେକର୍ସଙ୍କୁ ନୂଆ ଏପିସୋଡର ଆବଶ୍ୟକ ଅଛି । ସେହିପରି ଅଭିନେତା କରନ ପଟେଲ ଓ ପୂଜା ବାନାର୍ଜୀ ଶୁକ୍ରବାର ଠୁ କାମ ଆରମ୍ଭ କରିବେ। ହେଲେ ପାର୍ଥ ବର୍ତ୍ତମାନ ସୁଟିଂ କରିବେ ନାହିଁ । ସେ ସମ୍ପୂର୍ଣ୍ଣ ରୂପେ ସୁସ୍ଥ ହେଲା ପରେ ସେଟକୁ ଫେରିବେ ବୋଲି ଚର୍ଚ୍ଚା ହେଉଛି ।
ପ୍ରକାଶ ଥାଉକି କୋରୋନା ପଜିଟିଭ ହେବା ଖବର ପାର୍ଥ ଫ୍ୟାନ୍ସଙ୍କୁ ସୋସିଆଲ ମିଡିଆରେ ଦେଇଥିଲେ।
