ହାଇଦ୍ରାବାଦ: ଟେଲିଭିଜନ ଶୋ' 'କୌନ ବନେଗା କରୋଡପତି' କେବଳ ଦେଶରେ ନୁହେଁ ବିଦେଶରେ ବି ବେଶ ପପୁଲାର । ତେବେ ଏହାର ଇଂରାଜୀ ଭର୍ସନ 'ହୁ ୱାଣ୍ଟସ ଟୁ ବି ମିଲେନିୟର' ବିଦେଶରେ କାଫି ପ୍ରଂଶସା ସାଉଁଟିଛି । ପ୍ରାୟ 17 ବର୍ଷର ପ୍ରସାରଣ ପରେ ଏହାକୁ ବନ୍ଦ କରାଯିବ ବୋଲି କହିଛନ୍ତି ଶୋ'ର ନିର୍ମାତା ।
ତେବେ 2002 ମସିହାରୁ ଲଗାତାର ଏହି ଶୋ'ର ପ୍ରସାରଣ କରାଯାଇଥିଲା । ଏହାକୁ ଏବିସି ଟିଭିରେ ପ୍ରସାରଣ କରାଯାଉଥିଲା । ଶୋ'ର 2019-20 ସିଜିନକୁ ପ୍ରସାରଣ କରାଯିବ ନାହିଁ । ତେବେ ଏହାର କାରଣ କଣ ତାହା ଏପର୍ଯ୍ୟନ୍ତ ଜଣାପଡିନାହିଁ ।
ଶୋ' କୁ ପ୍ରଯୋଜନା ଦେଉଥିଲେ ୱେଲକାଷ୍ଟ ପ୍ରଜକ୍ସନ । 1999ରେ ଶୋ'କୁ ପ୍ରଥମ ଥର ଏବିସିର ପ୍ରାଇମ ଟାଇମରେ ପ୍ରସାରଣ କରାଯାଇଥିଲା ।
