ମୁମ୍ବାଇ: ଲୋକପ୍ରିୟ ସିରିଏଲ 'ତାରକ ମେହେତା କା ଓଲଟା ଚଷମା' ରେ 'ଗୋଗି' ଚରିତ୍ରରେ ଅଭିନୟ କରୁଥିବା ଅଭିନେତା ସମୟ ଶାହଙ୍କୁ ହତ୍ୟା ଧମକ ଦିଆଯାଇଥିଲା । ଏହା ପରେ ଅପରାଧୀମାନଙ୍କ ବିରୋଧରେ ପୋଲିସ ଅଭିଯୋଗ ଦାଖଲ କରିଛି ।
ବୋରିବଲୀରେ ଥିବା ତାଙ୍କ ଘରେ ଏହି ଘଟଣା ଘଟିଥିଲା, ଯେଉଁଠାରେ କିଛି ଲୋକ ଶାହାଙ୍କ ସହ ଅସଦାଚରଣ କରି ତାଙ୍କୁ ଧମକ ଦେଇଥିଲେ । ଯଦିଓ ଧମକକାରୀଙ୍କ ପରିଚୟ ଜଣା ପଡିନାହିଁ, ସିସିଟିଭି ଫୁଟେଜକୁ ଆଧାର କରି ବୋରିବଲୀ ପୋଲିସ ଷ୍ଟେସନରେ ଏକ ସରକାରୀ ମାମଲା ରୁଜୁ ହୋଇଛି ।
ସମୟଙ୍କୁ ତୃତୀୟ ଥର ପାଇଁ ଧମକ ଦିଆଯାଇଥିଲା ଏବଂ ଏହି ପୂରା ଘଟଣା ତାଙ୍କୁ ଚକିତ କରିଥିଲା ।
ନଭେମ୍ବର 27, ମଙ୍ଗଳବାର ଦିନ ସମଗ୍ର ଘଟଣା ବିଷୟରେ କଥାବାର୍ତ୍ତା କରି ସମୟ କହିଛନ୍ତି, "ରାତି ପ୍ରାୟ ସାଢେ8. 30 ଟା ବେଳେ ମୁଁ ମୋର ସୁଟିଂ ସମାପ୍ତ କରିବା ପରେ ମୋ ବିଲ୍ଡିଂରେ ପହଞ୍ଚିଥିଲି । ହଠାତ୍ ଜଣେ ବ୍ୟକ୍ତି ମୋ ପାଖକୁ ଆସିଲେ ଏବଂ ବିନା କାରଣରେ ମୋତେ ମାରିଦେବ, କାଟିଦେବ ବୋଲି ଦୁର୍ବ୍ୟବହାର କରିବା ଆରମ୍ଭ କଲା । ମୁଁ ତାଙ୍କୁ ପଚାରିଲି ଅସୁବିଧା କ’ଣ? କିନ୍ତୁ ସେ ମୋତେ ଧମକ ଦେବା ଛଡା ଆଉ କିଛି କହିବାକୁ ପ୍ରସ୍ତୁତ ନଥିଲେ ।
ଯାହା ପରେ ଶୁକ୍ରବାର ଅପରାହ୍ନରେ ଆମେ ପୋଲିସ ନିକଟରେ ଅଭିଯୋଗ କରିଥିଲୁ ।
