ମୁମ୍ବାଇ: ଗତବର୍ଷ ଛୋଟ ପରଦାରେ ରେକର୍ଡ ଭାଙ୍ଗିବା ପରେ ରାମାନନ୍ଦ ସାଗରଙ୍କ 'ରାମାୟଣ' ପୁଣି ଥରେ ଏବେ ଷ୍ଟାର ଭାରତରେ ପ୍ରସାରିତ ହେବାକୁ ଯାଉଛି ।
ଏହି ଶୋ ପୁଣି ଟେଲିକାଷ୍ଟ ହେବ କାରଣ ଏହି ଆଂଶିକ ଲକଡାଉନରେ ଲୋକ ନିଜ ଘରେ ରହିବେ । ଯାହା ଦ୍ବାରା କୋରୋନା ବିସ୍ତାରକୁ ରୋକି ହେବ ।
ଏହି ମହାମାରୀର ଦ୍ବିତୀୟ ଲହର ପୁଣି ଥରେ ଲୋକଙ୍କ ପାଇଁ ଏକ କଷ୍ଟଦାୟକ ସମୟ ସୃଷ୍ଟି କରିଛି ଏବଂ ଏହି ସମୟରେ ପୁନର୍ବାର ସାମାଜିକ ଦୂରତା ଆବଶ୍ୟକ ।
ଗତ ବର୍ଷ ଭଳି ଏହି କଷ୍ଟଦାୟକ ସମୟରେ ଦର୍ଶକଙ୍କୁ ମନୋରଞ୍ଜନ କରିବାକୁ ଚେଷ୍ଟା କରିବା ନେଇ ଷ୍ଟାର ଭାରତରେ ରାମାନନ୍ଦ ସାଗରଙ୍କ ରାମାୟଣ ପ୍ରସାରିତ ହେବାକୁ ଯାଉଛି ।
ପ୍ରକାଶ ଥାଉ ଯେ, ଏହି ଐତିହାସିକ ପୌରାଣିକ ଧାରାବାହିକରେ ଷ୍ଟାର ଅରୁଣ ଗୋଭିଲ, ସୁନୀଲ ଲହରୀ ଏବଂ ଦୀପିକା ଚିଖାଲିଆ ରାମ, ଲକ୍ଷ୍ମଣ ଏବଂ ସୀତାଙ୍କ ପ୍ରମୁଖ ଭୂମିକାରେ ଅଭିନୟ କରିଛନ୍ତି, ଯାହା ଭାରତୀୟ ଟେଲିଭିଜନର ଅନ୍ୟତମ ପ୍ରମୁଖ ସୋ ଅଟେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
