1-ଉର୍ବଶୀ ଢୋଲକିୟା- ପୂର୍ବତନ ପ୍ରେମିକ ଅନୁଜ ସଚଦେବ
ବହୁ ଆଲୋଚନା ପରେ ଏବେ ଶେଷରେ ଏକ୍ସ ଲଭର ଉର୍ବଶୀ ଢୋଲକିୟା ଓ ଅନୁଜ ସଚଦେବଙ୍କୁ ପୁଣି ଏକାଠି ଦେଖିବେ ଦର୍ଶକ । ତେବେ ଅନୁଜ ଓ ଉର୍ବଶୀ 2011ରେ ପ୍ରେମ ସମ୍ପର୍କରେ ଥିଲେ । କିନ୍ତୁ ପରେ କୌଣସି କାରଣରୁ ବ୍ରେକ ଅପ କରିଥିଲେ ସୁଦ୍ଧା ଗତବର୍ଷ କବାଡୀ ମ୍ୟାଚରେ ପୁଣି ଏକାଠି ସମୟ ବିତାଉଥିବାର ନଜର ଆସିଥିଲେ ।
2. ବିଶାଲ ଆଦିତ୍ୟ ସିଂ ଓ ପୂର୍ବତନ ପ୍ରେମିକା ମାଧୁରୀମା ତୁଲୀ
ଉଭୟଙ୍କ ଡାନ୍ସ ଦେଖିବାକୁ ପ୍ରଶଂସକଙ୍କ ଉତ୍ସାହ କାହିଁରେ କଣ । 2017ରେ ସିରିୟଲ ‘ଚନ୍ଦ୍ରକାନ୍ତ-ଏକ ମାୟାବୀ’ସେଟରେ ଉଭୟ ପ୍ରେମରେ ପଡିଥିଲେ । କିନ୍ତୁ ଗତବର୍ଷ ଅକ୍ଟୋବରରେ ଏହି ସମ୍ପର୍କରେ ପଡିଥିଲା ଫୁଲଷ୍ଟପ ।
3. ରସେଲ ରାଓ -କିଥ ସେକ୍ବିରା
ଖାଲି ପୂର୍ବତନ ଯୋଡି ନୁହେଁ ବରଂ ବିଗ-ବସ କପୁଲ ବି ଏହି ରିୟାଲିଟି ଶୋ'ରେ ଦେଖାଇବେ ଡାନ୍ସ ଜଲୱା । ତେବେ ଉଭୟଙ୍କ ବିବାହକୁ ନିକଟରେ ବର୍ଷେ ପୁରିଥିବାବେଳେ ବିବାହ ପରେ ପ୍ରଥମ ଥର ପାଇଁ ପରଦାରେଏକାଠି ନଜର ଆସିବେ ।
4.ଶ୍ରଦ୍ଧା ଆର୍ଯ୍ୟା- ଆଲମ ମକ୍କର
ଟେଲିଭିଜନ ଇଣ୍ଡଷ୍ଟ୍ରିରେ ଶ୍ରଦ୍ଧା ଆର୍ଯ୍ୟା ଜଣେ ପରିଚିତ ନାଁ । କୁଣ୍ଡଲୀ ଭାଗ୍ୟାର ଫେମ ପ୍ରିତା ଏବେ ଡାନ୍ସରେ ଭାଗ୍ୟ କରିବାକୁ ପ୍ରସ୍ତୁତ । ତେବେ ତାଙ୍କ ପାର୍ଟନର ଆଲମ କିନ୍ତୁ ଜଲନ୍ଧରର ଜଣେ ବ୍ୟବସାୟୀ । ଦର୍ଶକମାନେ ଏହି ଯୋଡିଙ୍କ ବିଷୟରେ ବେଶି କିଛି ଜାଣିନଥିଲେ ମଧ୍ୟ ଶୋ'ରେ ପ୍ରଶଂସକ ତାଙ୍କ ଡାନ୍ସ ଦେଖିବାକୁ ଏକ୍ସାଇଟେଡ ନିଶ୍ଚିତ ।
5. ଗୀତା ଫୋଗଟ- ପୱନ କୁମାର
ସିଡବ୍ଲୁଜୀ ଗୋଲ୍ଡ ମେଡାଲିଷ୍ଟ ଗୀତା ଫୋଗଟ ଏବେ ସ୍ବାମୀ ତଥା ରେସଲର ପୱନ ସିଂହ କୁମାରଙ୍କ ସହ ପ୍ରଥମଥର ପାଇଁ ଡାନ୍ସରେ କମାଲ କରିବାକୁ ପ୍ରସ୍ତୁତ । 2016ରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ । ନିକଟରେ ଗୀତା ଷ୍ଟଣ୍ଟ ଶୋ ଖତରୋଁ କି ଖିଲାଡୀରେ ମଧ୍ୟ ନଜର ଆସିଥିଲେ ।
6. ଶାନ୍ତନୁ ମାହେଶ୍ବରୀ- ନିତ୍ୟାମୀ ଶିରକେ
ପେଶାରେ ଡାନ୍ସର ଶାନ୍ତନୁ ମାହେଶ୍ବରୀ ରିୟାଲିଟି ଶୋର ଜଣେ ଚିହ୍ନା ମୁହଁ । ନିକଟରେ ସେ ଝଲକ ଦିଖାଲାଜ ଓ ଖତରୋଁ କି ଖିଲାଡୀରେ ମଧ୍ୟ ନଜର ଆସି ବେଶ ପ୍ରଶଂସା ସାଉଁଟିଛନ୍ତି । କିନ୍ତୁ ଏବେ ସେ ଏକା ନୁହେଁ ବରଂ ପ୍ରେମିକା ନିତ୍ୟାମି ଶିରକେଙ୍କ ସହ ନଜର ଆସିବାକୁ ଯାଉଛନ୍ତି ।
7. ଅନିତା ହଂସନନ୍ଦୀନି- ରୋହିତ ରେଡ୍ଡୀ
ନାଗୀନ 3 ହଟ୍ ଅଭିନେତ୍ରୀ ଅନିତା ଓ ସ୍ବାମୀ ରୋହିତ ରେଡ୍ଡୀ ସୋସିଆଲ ମିଡିଆରେ ବେଶ ସକ୍ରିୟ । ତେବେ ଉଭୟଙ୍କୁ ପରଦାରେ ଏକାଠି ଡାନ୍ସ କରୁଥିବାର ଦେଖିବାକୁ ଦର୍ଶକ ବେଶ ଉତ୍ସାହିତ ।
8. ଫୈଜଲ ଖାନ- ମୁସ୍କାନ କତରିୟା
ବ୍ରେକ-ଅପ ରୁମରକୁ ଖାତିର ନକରି ଫୈଜଲ ଓ ତାଙ୍କ ପ୍ରେମିକା ମୁସ୍କାନ ଶୋ'ରେ ଭାଗ ନେବାକୁ ନିଷ୍ପତ୍ତି ନେଇଛନ୍ତି । ଉଭୟ ଜବରଦସ୍ତ ଡାନ୍ସର ହୋଇଥିବାବେଳେ ଅନ୍ୟ ପ୍ରତିଯୋଗୀଙ୍କୁ କଡା ଟକ୍କର ଦେବେ ବୋଲି ଏବେରୁ ଚର୍ଚ୍ଚା ଜୋର ଧରିଛି ।
9. ବିନ୍ଦୁ ଦାରା ସିଂହ- ଦିନା ଉମାରୋଭା
ବିନ୍ଦୁ ଦାରା ଯିଏକି ବିଗ-ବସ 3ର ବିଜେତା ଏବେ ସେ ପୁଣି ନଚବଲିୟେ ଜରିଆରେ କମବ୍ୟାକ କରିବାକୁ ପ୍ରସ୍ତୁତ । ବିନ୍ଦୁ ଏଥର ପତ୍ନୀଙ୍କ ସହ ନଜର ଆସିବେ, ଯିଏକି ପେଶାରେ ମଧ୍ୟ ଜଣେ ଡାନ୍ସର ।
10. ସୌରଭ ରାଜ ଜୈନ- ରିଦ୍ଦିମା ଜୈନ
ସୌରଭ ରାଜ ଜୈନ ଯିଏକି ମହାଭାରତର କୃଷ୍ଣ । କଣ ଏବେ ଜାଣିପାରିଲେ ନା ? ପତ୍ନୀ ରିଦ୍ଦିମାଙ୍କ ସହ ପ୍ରଥମ ଥର ପାଇଁ ଡାନ୍ସ ଫ୍ଲୋରକୁ ଆସୁଛନ୍ତି ସୌରଭ ।