ମୁମ୍ବାଇ: ବିଗବସ୍ ହାଉସକୁ ଶନିଦଶା । ଗୋଟିଏ ପରେ ଗୋଟିଏ ସଦସ୍ୟ ହେଉଛନ୍ତି ଅସୁସ୍ଥ । ଦେବୋଲିନା, ପାରଶ, ସନ୍ନା ଆଉ ଏବେ ବିଗବସର ଷ୍ଟ୍ରଙ୍ଗ କଣ୍ଟେଷ୍ଟାଣ୍ଟ ସିଦ୍ଧାର୍ଥ ନିଜ ଅସୁସ୍ଥତା କାରଣରୁ ହସ୍ପିଟାଲାଇଜ ହୋଇଛନ୍ତି । ଯାହା ତାଙ୍କ ଫ୍ୟାନ୍ସଙ୍କ ପାଇଁ ଏକ ଖରାପ ଖବର ନିଶ୍ଚୟ ।
ଏହାର ସୂଚନା ଦେଇଛନ୍ତି ବିଗବସ ହାଉସର ପ୍ରଡକ୍ସନ ଟିମ୍ । ବିଗବସ ହାଉସର ଦ ଖବରି ଏନେଇ ଏକ ଟ୍ବିଟ କରିଛନ୍ତି । ସୂଚନା ଅନୁସାରେ ଏବା ତାଙ୍କୁ ଡାକ୍ତରଖାନାରେ ଗ୍ଲୁକୋଜ ଦିଆଯାଉଛି । ଏହାସହ ତାଙ୍କ ପ୍ଲେଟଲେଟ୍ ମଧ୍ୟ ଖସିବାରେ ଲାଗିଛି । ଯାହା ଆଗକୁ ଅଧିକ ଚିନ୍ତାର ବିଷୟ ପାଲଟିପାରେ ।
ମିଳିଥିବା ସୂଚନା ଅନୁସାରେ, କଣ୍ଟ୍ରାକ୍ଟ କାରଣରୁ ତାଙ୍କୁ ପରିବାର ସଦସ୍ୟଙ୍କ ସହ ଭେଟିବା ପାଇଁ ଦିଆଯାଉ ନାହିଁ । ଏନେଇ ତାଙ୍କ ପ୍ରଶଂସକଙ୍କ ଗହଣରେ ମଧ୍ୟ ନିରାଶା ଦେଖାଦେଇଛି । ଏମିତିକି ସୋସିଆଲ ମିଡିଆରେ #GetWellSoonSidharth ଟ୍ରେଣ୍ଡ କରୁଛି ।
ଏଠାରେ ସୂଚନାଯୋଗ୍ୟ, ନିକଟରେ ସିଦ୍ଧାର୍ଥ ଘରୁ ବାହାରି ସିକ୍ରେଟ ରୁମ୍ରେ ଥିଲେ । ତାଙ୍କସହ ପାରଶ ମଧ୍ୟ ସେଠାରେ ଉପସ୍ଥିତ ଥିଲେ । ତେବେ ବୁଧବାର ପୁଣି ଘରେ ଏଣ୍ଟ୍ରୀ କରିଛନ୍ତି ପାରଶ ।
