ମୁମ୍ବାଇ: ରିୟାଲିଟି ଶୋ’ ବିଗବସ୍ ସିଜିନ୍ 13 । ନିକଟରେ ଶୋ’ରେ ଫିନାଲେ ହେବନେଇ ଘୋଷଣା କରିଛନ୍ତି ନିର୍ମାତା । ସୂଚନା ଅନୁସାରେ ଏହା ଫେବୃୟାରୀ 15ରେ ଶେଷ ହେବାକୁ ଯାଉଛି । କିନ୍ତୁ ସଦସ୍ୟଙ୍କ ଡ୍ରାମା ଶେଷ ହେବାର ନାଁ ଧରୁନି । ନିକଟରେ ମଧ୍ୟ ଦେଖିବାକୁ ମିଳୁଛି ଏମିତି କିଛି ।
ବଗବସ୍ ହାଉସର ସବୁଠାରୁ ପପୁଲାର ଯୋଡି ସିଡ୍ନାଜ ଏବେ ଅଲଗା ହୋଇସାରିଛନ୍ତି । ସନାଙ୍କ ସହ କଥା ହେବାକୁ ସିଧାସଳଖ ମନା କରିଛନ୍ତି ସିଦ୍ଧାର୍ଥ । ଏମିତିକି ସେ ସେହେନାଜଙ୍କୁ ଘୃଣା କରନ୍ତି ବୋଲି ମଧ୍ୟ କହି ସାରିଛନ୍ତି । ତେବେ ଏହା ମଧ୍ୟରେ ଶୋ’ରେ ଏମିତି କିଛି ଦେଖିବାକୁ ମିଳିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ଘରେ ଆରମ୍ଭ ହୋଇଛି ଆସନ୍ତା ସପ୍ତାହ ପାଇଁ କ୍ୟାପ୍ଟେନସିପ୍ ଟାସ୍କ । ଯାହାକୁ ନେଇ ସବୁଥର ପରି ଏଥର ମଧ୍ୟ ସଦସ୍ୟଙ୍କ ମଧ୍ୟରେ ଘମାସଟ ଦେଖିବାକୁ ମିଳୁଛି । ଏହାସହ ସେହେନାଜ ଏବଂ ସିଦ୍ଧାର୍ଥଙ୍କର ଲଢେଇ ମଧ୍ୟ ଦେଖିବାକୁ ମିଳୁଛି । ଏନେଇ ଏକ ପ୍ରମୋ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ସାନା ସିଦ୍ଧାର୍ଥଙ୍କୁ ଧକ୍କା ମାରୁଥିବାର ନଜର ଆସୁଛନ୍ତି ।
ଏହାସହ ବିଶାଲଙ୍କ ସଞ୍ଚାଳକ କାର୍ଯ୍ୟରେ ପକ୍ଷପାତିତା ହେତୁ କ୍ୟାପ୍ଟେନସିପ୍ କାର୍ଯ୍ୟକୁ ମଧ୍ୟ ରଦ୍ଦ କରାଦିଆ ଯାଇଥିବା ଦେଖିବାକୁ ମିଳିଛି।
