ଭୁବନେଶ୍ବର: ଅଭିନେତ୍ରୀ ନମ୍ରତା ଦାସଙ୍କୁ ଦିଆଯିବ ଭୂମିକନ୍ୟା ସମ୍ମାନ । ଆସନ୍ତା 26 ଜାନୁଆରୀରେ ହେବାକୁ ଥିବା ଓଡିଶା କଳାସଂଘର ବାର୍ଷିକ ଉତ୍ସବରେ ଅଭିନେତ୍ରୀ ନମ୍ରତା ଦାସଙ୍କୁ ଭୂମିକନ୍ୟା ସମ୍ମାନ ଦିଆଯିବ ବୋଲି ଏକ ପ୍ରେସମିଟ ଜରିଆରେ ଘୋଷଣା କରାଯାଇଛି।
ଓଡ଼ିଆ ଚଳଚିତ୍ରକୁ ନିରବଚ୍ଛିନ୍ନ ଭାବରେ ତାଙ୍କର ଅବଦାନ ଥିବା ଯୋଗୁଁ ସେ ଏହି ସମ୍ମାନର ଅଧିକାରୀ ବୋଲି ଅଭିନେତା ସିଦ୍ଧାନ୍ତ ମହାପାତ୍ର ପ୍ରକାଶ କରିଛନ୍ତି । ଅନ୍ୟପଟେ ସଙ୍ଘ ତରଫରୁ ପ୍ରତିବର୍ଷ ଭଳି ଚଳିତବର୍ଷ ମଧ୍ୟ କିଛି ଜଣ କଳାକାରଙ୍କୁ ଆସୋସିଏସନ ପକ୍ଷରୁ ପେନସନ ଦିଆଯିବ । ଚଳିତବର୍ଷ ମୋଟ 15 ଜଣଙ୍କୁ ପେନସନ ଦିଆଯିବ । ନିବେଦିତା ଦେବୀ, କୁଞ୍ଜଳତା ଦାସ ଭଳି ଅନେକ କଳାକାରଙ୍କୁ ମାସିକ 1000 ଟଙ୍କାର ଅର୍ଥ ରାଶି ଦିଆଯିବ ବୋଲି ମଧ୍ୟ ଘୋଷଣା କରାଯାଇଛି । ଏହା ଛଡା ଭୂମିକନ୍ୟା ସମ୍ମାନରେ ସମ୍ମାନିତ ଅଭିନେତ୍ରୀ ନମ୍ରତା ଦାସଙ୍କୁ ମଧ୍ୟ ମାନପତ୍ର ସହ 1 ଲକ୍ଷ ଟଙ୍କାର ରାଶି ପ୍ରଦାନ କରାଯିବ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ