ନୂଆଦିଲ୍ଲୀ: କପିଲ ଶର୍ମା ଏବଂ ତାଙ୍କ ସୋ' ଆଗାମୀ ଦିନରେ କୌଣସି ନା କୌଣସି କ୍ଷେତ୍ରରେ ଆଲୋଚନାର ବିଷୟ ପାଲଟି ହିଁ ଯାଏ । କପିଲ କେତେବେଳେ ଲୋକଙ୍କୁ ହସାଇବା ପାଇଁ ଚର୍ଚ୍ଚାରେ ଥାନ୍ତି ତ ପୁଣି କେତେବେଳେ ବିବାଦ ହେତୁ ଚର୍ଚ୍ଚାକୁ ଆସିଯାଆନ୍ତି। ଠିକ୍ ଏଥର ମଧ୍ୟ ସମାନ ଘଟଣା ଘଟିଛି । କାଶ୍ମୀର ଫାଇଲ୍ସ ବିବାଦ ପରେ କପିଲ ଶର୍ମାଙ୍କର ଏକ ନିଆରା ଅନ୍ଦାଜ ଦେଖିବାକୁ ମିଳୁଛି । ନିକଟରେ କପିଲ ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ସେ ସକାଳ 5 ଟାରେ ବାଇକ୍ ଚଳାଉଥିବାର ନଜର ଆସିଛନ୍ତି । କପିଲ ଏହି ଭିଡିଓକୁ ଇନଷ୍ଟାରେ ସେୟାର କରି କ୍ୟାପସନରେ ଲେଖିଛନ୍ତି- Enjoying the early morning ride on my favourite bike #bullet #bulletlovers #beautiful #bhubaneswr #odisha ।
- " class="align-text-top noRightClick twitterSection" data="
">
ସୂଚନାଯୋଗ୍ୟ ଯେ, କମେଡି କିଙ୍ଗ୍ କପିଲ ଶର୍ମା ବର୍ତ୍ତମାନ ଭୁବନେଶ୍ବରରେ ଅଛନ୍ତି । ନିଜର ଆଗାମୀ ଚଳଚ୍ଚିତ୍ର ସୁଟିଂ ପାଇଁ ବେଶ୍ କିଛି ଦିନ ହେଲା ରାଜଧାନୀର ବିଭିନ୍ନ ସ୍ଥାନରେ କପିଲଙ୍କୁ ଦେଖିବାକୁ ମିଳୁଛି। ଅଭିନେତ୍ରୀ ନନ୍ଦିତା ଦାସଙ୍କ ନିର୍ଦ୍ଦେଶିତ ଚଳଚ୍ଚିତ୍ର ‘ଡେଲିଭର୍ ବଏ’ ସୁଟିଂ ଅବସରରେ କପିଲ ଭୁବନେଶ୍ବର ଆସିଥିବା ଜଣାପଡ଼ିଛି । ଫେବ୍ରୁଆରୀ ଶେଷ ସପ୍ତାହରୁ କପିଲ ରାଜଧାନୀରେ ଥିବାବେଳେ ଖଣ୍ଡଗିରି ଅଞ୍ଚଳରେ ଚଳଚ୍ଚିତ୍ରର ସୁଟିଂ ଚାଲିଥିଲା । ‘ଡେଲିଭର୍ ବଏ’ ଚଳଚ୍ଚିତ୍ର ଏକ ନିଚ୍ଛକ ଓଡ଼ିଆ କାହାଣୀ ଉପରେ ଆଧାରିତ ।
ତେବେ ସେୟାର ହୋଇଥିବା ଭିଡିଓରେ ଦେଖିବାକୁ ମିଳିଛି ଯେ କପିଲ ସକାଳ 5 ଟାରେ ବାଇକ ଚଳାଉଥିବାର ନଜର ଆସିଛନ୍ତି। ସେ ଏହି ଭିଡିଓକୁ କିଛି ସମୟ ପୂର୍ବରୁ ସେୟାର କରିଛନ୍ତି ଏବଂ ପ୍ରଶଂସକମାନେ ମଧ୍ୟ ଏହି ଭିଡିଓ ଉପରେ କଡ଼ା ମନ୍ତବ୍ୟ ଦେଉଛନ୍ତି | ଜଣେ ପ୍ରଶଂସକ କମେଣ୍ଟ ଦେଇ ଲେଖିଛନ୍ତି - ଆଶା ନଥିଲା କି କପିଲ ଏତେ ସକାଳୁ ବି ଉଠିପାରନ୍ତି । ଆଉ ଜଣେ ପ୍ରଶଂସକ ବୁଲେଟ ରାଜା କହିଛନ୍ତି ।
ଏହା ବି ପଢନ୍ତୁ: ଓଡିଶାରେ କପିଲ ଶର୍ମା: ଏକାମ୍ର କ୍ଷେତ୍ରରେ ଚାଲିଛି ସୁଟିଂ, ଓଟିଟି ପ୍ଲାଟ୍ଫର୍ମରେ ରିଲିଜ ହେବ ମୁଭି
ତେବେ ଗତ କିଛି ଦିନ ତଳେ କପିଲ ଶର୍ମା ଆଉ ଏକ ଭିଡିଓ ମଧ୍ୟ ସେୟାର କରିଥିଲେ। ଏହି ଭିଡିଓରେ ଦେଖିବାକୁ ମିଳିଥିଲା ଯେ, କପିଲ ଶର୍ମାଙ୍କୁ ଜିମ୍ ଯିବାର ନିଶା ଚଢିଥିଲା। ଯାହାପରେ ତାଙ୍କୁ ବ୍ୟାୟାମ କରୁଥିବା ଦେଖାଯାଇଥିଲା । ଏହା ପରେ ପ୍ରଶଂସକମାନେ କହିଥିଲେ ଯେ, ଏଥର କପିଲ 6 ପ୍ୟାକ୍ ବନେଇକି ରହିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
