ୱାସିଂଟନ: ମାଆ ହେଲେ ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରା । ପ୍ରିୟଙ୍କା ଏବଂ ତାଙ୍କ ସ୍ବାମୀ ନିକ୍ ଜୋନସ୍ ସରୋଗେସି ଜରିଆରେ ଗୋଟିଏ ସନ୍ତାନର ପିତାମାତା ହୋଇଛନ୍ତି । ଷ୍ଟାର ଦମ୍ପତି ଶନିବାର ସୋସିଆଲ ମିଡିଆରେ ନିଜ ଫ୍ୟାନ୍ସ ଏବଂ ଫଲୋର୍ସଙ୍କୁ ଏହି ଗୁଡ୍ ନ୍ୟୁଜ ଦେଇଛନ୍ତି । ୨୦୧୮ରେ ବିବାହ କରିଥିଲେ ନିକ୍ଙ୍କୁ ବିବାହ କରିଥିଲେ ପ୍ରିୟଙ୍କା ଚୋପ୍ରା ।
ନିକ୍ ଏବଂ ପ୍ରିୟଙ୍କା ନିଜ ଇଷ୍ଟାଗ୍ରାମ ହ୍ୟାଣ୍ଡେଲରେ ପୋଷ୍ଟ କରିଛନ୍ତି, ସରୋଗେଟ୍ ଜରିଆରେ ସନ୍ତାନଟିଏ ପାଇଛୁ ବୋଲି ସୁନିଶ୍ଚିତ କରି ଆମେ ବହୁତ ଖୁସି । ଏଭଳି ସ୍ପେଶାଲ ଟାଇମ୍ରେ ଆମେ ନିଜ ପରିବାର ଉପରେ ଧ୍ୟାନ ଦେଉଥିବାରୁ ଆମକୁ ଟିକେ ପ୍ରାଇଭେସି ଦେବାକୁ ଅନୁରୋଧ । ଆପଣମାନଙ୍କୁ ଅଶେଷ ଧନ୍ୟବାଦ । ତେବେ ପୁଅ ହୋଇଛି କି ଝିଅ ସେନେଇ ସେମାନେ ସ୍ପଷ୍ଟ କହିନାହାନ୍ତି ।
ଏହି ଷ୍ଟାର ଦମ୍ପତି ପିତାମାତା ହେବା କଥା ଜଣାଇବା ପରେ ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛା ଓ ଅଭିନନ୍ଦନର ସୁଅ ଛୁଟିଛି । ଅଭିନେତ୍ରୀ ଲାରା ଦତ୍ତ ଭୁପତି ତାଙ୍କ ପୋଷ୍ଟରେ ପ୍ରତିକ୍ରିୟା ଦେଇ କହିଛନ୍ତି, ହେ ଭଗବାନ୍ ! ଏହା ବହୁତ ସ୍ବତନ୍ତ୍ର... ବହୁତ ବହୁତ ଶୁଭେଚ୍ଛା । ପ୍ରଡ୍ୟୁସର ଗୁନୀତ ମୋଙ୍ଗ ବେଷ୍ଟ ନ୍ୟୁଜ ବୋଲି ଲେଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
