ଭୁବନେଶ୍ବର: ଛତିଶଗଡି ଫିଲ୍ମରେ ଲେସଲିଙ୍କ ଜଲୱା। ଆଜି(ଶୁକ୍ରବାର) ପରଦାରେ ରିଲିଜ ହେଉଛି ଛତିଶଗଡ ଫିଲ୍ମ ରଙ୍ଗବତୀ। ଏହି ଫିଲ୍ମରେ ଲେସଲିଙ୍କ ସହ ଅଭିନେତା ଅନୁଜ ଶର୍ମାଙ୍କୁ ଦେଖିବାକୁ ପାଇବେ ଦର୍ଶକ । ଜବରଦସ୍ତ ଆକ୍ସନ ରୋମାଣ୍ଟିକ ଅନ୍ଦାଜରେ ନିର୍ମିତ ହୋଇଥିବା ଏହି ଫିଲ୍ମଟି ଦର୍ଶକଙ୍କୁ ବେଶ୍ ପସନ୍ଦ ଆସିବ ବୋଲି ଆଶା କରାଯାଉଛି । ତେବେ ଫିଲ୍ମରେ ଲେସଲୀଙ୍କୁ ଦର୍ଶକ ଶାଢି ଲୁକରେ ଦେଖିବାକୁ ପାଇବେ ।
ଏହି ଫିଲ୍ମର ନିର୍ଦ୍ଦେଶନା ଭାର ପୁଷ୍ପେନ୍ଦ୍ର ସିଂ ସମ୍ଭାଳିଥିବା ବେଳେ ଅଶୋକ ତିୱାରି ଫିଲ୍ମର ନିର୍ମାତା ଅଛନ୍ତି । ନିଜ ଫିଲ୍ମକୁ ନେଇ ଉତ୍ସାହିତ ଥିବା ଲେସଲି ତାଙ୍କ ସୋସିଆଲ ମିଡିଆ ଷ୍ଟାଟସରେ ଫିଲ୍ମର କିଛି ଫଟୋ ଦେଇ ନିଜର ଖୁସି ଜାହିର କରିଛନ୍ତି ।
ତେବେ ଓଡିଆ ଆଲବମରୁ ନିଜ କ୍ୟାରିଅର ଆରମ୍ଭ କରିଥିବା ଲେସଲୀ ଆଲବମ୍ ଜଗତ ବେଶ୍ ନାମ କମାଇଥିଲେ । ଏହାପରେ ଓଡିଆ ଫିଲ୍ମରେ ଅଭିନୟ ପାଇଁ ତାଙ୍କୁ ବହୁ ଅଫର ଆସିଥିଲା । ମାତ୍ର ସେ ରାଜା ଆଚାର୍ଯ୍ୟଙ୍କ ବିବାଦରେ ଛନ୍ଦି ହେବା ପରେ ତାଙ୍କୁ ଓଡିଆ ଫିଲ୍ମରେ କାମ କରିବାକୁ ସୁଯୋଗ ମିଳିନଥିଲା । ଏହାପରେ ଲେସଲୀ ଓଡିଶା ଛାଡି ମୁମ୍ବାଇ ଚାଲିଯାଇଥିଲେ । ସେଠାରେ ସେ ବହୁ ତାମିଲ, ହିନ୍ଦୀ, ଏବଂ ତେଲୁଗୁ ଫିଲ୍ମରେ ଅଭିନୟ କରିବା ପରେ ଏବେ ସେ ଛତିଶଗଡ ଫିଲ୍ମ ରଙ୍ଗୋବତୀରେ ଅଭିନୟ କରିଥିଲେ । ଯାହା ଶୁକ୍ରବାର ରିଲିଜ୍ ହୋଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
