ନୂଆଦିଲ୍ଲୀ: ରିଲିଜ ହୋଇଛି 'ସଲାର' ଫିଲ୍ମରେ ଶ୍ରୁତି ହାସନଙ୍କ ଫାଷ୍ଟ ଲୁକ୍ । ସାଉଥ ଫିଲ୍ମ ଆର୍ଟିଷ୍ଟ ଶ୍ରୁତି ହାସନଙ୍କ ବର୍ଥ ଡେ' ଅବସରରେ ଏହି ଲୁକ୍କୁ ମେକର୍ସ ରିଭିଲ୍ କରିଥିବା ବୋଲି ଜଣାପଡ଼ିଛି । ତେବେ ଏ ସମ୍ପର୍କରେ ଫିଲ୍ମର ନିର୍ଦ୍ଦେଶକ ପ୍ରଶାନ୍ତ ନିଲ ନିଜ ଟ୍ବିଟର ଆକାଉଣ୍ଟ ଜରିଆରେ ସୂଚନା ଦେବା ସହ ଶ୍ରୁତିଙ୍କ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଏହି ଫିଲ୍ମରେ ଶ୍ରୁତି 'ଆଦ୍ୟା' ଭୂମିକାରେ ଅଭିନୟ କରିଛନ୍ତି । ଏଥିରେ ପ୍ରଭାସ ତାଙ୍କ ବିପକ୍ଷରେ ନଜର ଆସିବାକୁ ଯାଉଛନ୍ତି । ଆଦ୍ୟା ଭୂମିକାରେ ଶ୍ରୁତି ଅଭିନୟ କରି ଫିଲ୍ମରେ ଚାର ଚାନ୍ଦ ଲଗାଇଥିବା ନିର୍ଦ୍ଦେଶକ କହିଛନ୍ତି । ଏହାର ପ୍ରଯୋଜନା କରିଛନ୍ତି KGF ଚାପ୍ଟର 1 ଓ KGF ଚାପ୍ଟର 2ର ପ୍ରଯୋଜକ ଓ ନିର୍ଦ୍ଦେଶକ । ଏଥିରେ ଆକ୍ସନ ଓ ଆଡଭେଞ୍ଚର ଭରି ରହିଛି । ଏଥିରେ ପ୍ରମୁଖ ଭୂମିକାରେ ସାଉଥ ଷ୍ଟାର ଗଜପତି ବାପୁ ମଧ୍ୟ ଅଭିନୟ କରିଛନ୍ତି ।
ଏହା ବି ପଢନ୍ତୁ: ନାଗା-ସାମନ୍ଥା ବିଚ୍ଛେଦକୁ ନେଇ ଏମିତି କହିଲେ ନାଗାର୍ଜୁନ
KGF ସିରିଜ ପରେ Hombale Films ସହିତ ପ୍ରଶାନ୍ତ ନିଲଙ୍କ ୩ୟ ଥର ପାଇଁ କାମ କରିଛନ୍ତି । ଏହି ଫିଲ୍ମର ରିଲିଜ ତାରିଖ ଏପର୍ଯ୍ୟନ୍ତ ଘୋଷଣା କରାଯାଇନାହିଁ । ଏହାରି ମଧ୍ୟରେ ଶ୍ରୁତି ଇନଷ୍ଟାଗ୍ରାମରେ ଲାଇଭ ଯାଇ ଫ୍ୟାନ୍ସଙ୍କ ସହିତ ନିଜ ଜନ୍ମ ଦିବସକୁ ପାଳିଥିବା ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
