ଲସ୍ ଆଞ୍ଜେଲସ୍: ସ୍ବର୍ଗତ ପପ୍ ଷ୍ଟାର ମାଇକେଲ୍ ଜ୍ୟାକସନଙ୍କ କାଲିଫର୍ନିଆ ସ୍ଥିତ ନେବରଲ୍ୟାଣ୍ଡ ସମ୍ପତ୍ତି ଶିଳ୍ପପତି ରୋନ୍ ବର୍କେଲି କିଣିଛନ୍ତି ।
ମିଡିଆ ରିପୋର୍ଟ ଅନୁଯାୟୀ, ବର୍କେଲଙ୍କ ମୁଖପାତ୍ର ଗୁରୁବାର ଦିନ ଇମେଲ ମାଧ୍ୟମରେ କହିଛନ୍ତି ଯେ ଶିଳ୍ପପତି ସାଣ୍ଟା ବାର୍ବାରା ନିକଟ ଲସ ଅଲିବୋସ ସ୍ଥିତ 2700 ଏକର ସମ୍ପତ୍ତିକୁ 'ଲ୍ୟାଣ୍ଡ ବ୍ୟାଙ୍କିଙ୍ଗ' ଯୋଜନା ମାଧ୍ୟମରେ କିଣିଛନ୍ତି ।
ଖବର ଅନୁଯାୟୀ ଏହି ସମ୍ପତ୍ତି ବର୍କେଲିଙ୍କୁ 2 କୋଟି 20 ଲକ୍ଷ ଡଲାରରେ ବିକ୍ରି ହୋଇଛି । ବର୍କେଲି ନିବେଶ କମ୍ପାନୀ 'ୟୁଷେପା କମ୍ପାନୀଜ'ର କୋ-ପ୍ରତିଷ୍ଠାତା ଜ୍ୟାକସନଙ୍କ ସହଯୋଗୀ ହୋଇଛନ୍ତି ।
2016ରେ ସମ୍ପତ୍ତିର ମୂଲ୍ୟ 10 କୋଟି ଆମେରିକୀୟ ଡଲାର ପାଇଁ କୁହାଯାଇଥିଲା । ପରବର୍ତ୍ତୀ ବର୍ଷ ଏହାକୁ ହ୍ରାସ କରି 6 କୋଟି 70 ଲକ୍ଷ ଆମେରିକୀୟ ଡଲାର କରାଯାଇଥିଲା ।
12,500 ବର୍ଗଫୁଟର ମୁଖ୍ୟ ବାସସ୍ଥାନ ବ୍ୟତୀତ ଏହାର 3,700 ବର୍ଗଫୁଟର ଏକ ପୁଲ୍ ହାଉସ୍ ଅଛି । ଏହା ବ୍ୟତୀତ ଏକ ଅଲଗା କୋଠା ମଧ୍ୟ ଅଛି, ଯେଉଁଥିରେ 50 ସିଟ୍ ବିଶିଷ୍ଟ ଚଳଚ୍ଚିତ୍ର ଥିଏଟର ଏବଂ ଏକ ଡ୍ୟାନ୍ସ ଷ୍ଟୁଡିଓ ଅଛି ।
ପ୍ରକାଶ ଥାଉ ଯେ, ମାଇକେଲ୍ ଜ୍ୟାକସନ ଜୁନ୍ 2009ରେ 50 ବର୍ଷ ବୟସରେ ଦେହାନ୍ତ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
