ଭୁବନେଶ୍ବର: ଖୁବ୍ଶୀଘ୍ର ବଡ ପରଦାକୁ ଆସିବାକୁ ଯାଉଛି ରିସ୍ତା ୱେବ ଏଣ୍ଟରଟେନମେଣ୍ଟ ବ୍ୟାନରରେ ନିର୍ମିତ ‘ଫିଲ୍ମ ଫ୍ରମ ମି ଟୁ ୟୁ’ । ଫିଲ୍ମର ସୁଟିଂ କିଛି ଦିନ ତଳେ ସରିଥିବାବେଳେ ଏଥିରେ ନିର୍ଦ୍ଦେଶନା ଦେଇଛନ୍ତି ହେମନ୍ତ କୁମାର ସାହୁ ଓ ସହ ନିର୍ଦ୍ଦେଶନା ଦାୟିତ୍ବରେ ଅଛନ୍ତି ଅଶ୍ବିନୀ ଗଡନାୟକ ।
ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଜ୍ୟୋତି ଓ ଅମ୍ଳାନ ଥିବାବେଳେ ଏଥିରେ ଅଭିନେତ୍ରୀ ଶ୍ରଦ୍ଧା ମଧ୍ୟ ନଜର ଆସିବେ । ଫିଲ୍ମରେ ଏପରି ଅନେକ ଦୃଶ୍ୟ ରହିଛି ଯାହା ଦର୍ଶକଙ୍କ ମନ ଛୁଇଁବ ବୋଲି ଆଶା କରିଛନ୍ତି ଅଭିନେତା ଓ ଅଭିନେତ୍ରୀ । ତେବେ ଚଳଚ୍ଚିତ୍ରରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମ ଆନନ୍ଦ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଶୁକ୍ରବାର ଏକ ହୋଟେଲରେ ଏହାର ମ୍ୟୁଜିକ ରିଲିଜ ହୋଇଛି । ଏଥିସହ ଫିଲ୍ମର ସବୁ ଷ୍ଟାର କାଷ୍ଟକୁ ଶୁଭେଚ୍ଛା ଦେବା ପାଇଁ ଓଲିଉଡର ଅଲ ଟାଇମ ରିଲ ଯୋଡି ସିଦ୍ଧାନ୍ତ ମହାପାତ୍ର ଓ ଅନୁ ଚୌଧୁରୀ ଯୋଗ ଦେଇଥିଲେ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
