ନୂଆଦିଲ୍ଲୀ: ବର୍ତ୍ତମାନ ବିଦେଶରେ ଛୁଟି କଟାଉଛନ୍ତି ବଲିଉଡ ସୁପରଷ୍ଟାର ଆମିର ଖାନ୍ଙ୍କ ଝିଅ ଈରା ଖାନ୍ । ସେ ନିଜ ପୁରୁଷ ବନ୍ଧୁ ନୁପୁର ଶିଖାରେଙ୍କ ସହ ଏକ ତୁଷାରଚ୍ଛନ୍ନ ସ୍ଥାନରେ କିଛି ସମୟ ବିତାଇଥିବା କଥା କହିଛନ୍ତି । ଏହାକୁ ନେଇ ସେ ଇନ୍ଷ୍ଟାଗ୍ରାମରେ ଫଟୋ ସେୟାର କରିଛନ୍ତି । ତେବେ ସେ ସେ କେଉଁ ସ୍ଥାନରେ ଅଛନ୍ତି ତାହାକୁ ନେଇ କୌଣସି ସୂଚନା ଦେଇ ନାହାନ୍ତି ।
- " class="align-text-top noRightClick twitterSection" data="
">
ଏହାକୁନ ନେଇ ଈରା ଖାନ୍ ଇନଷ୍ଟାଗ୍ରାମରେ ଲେଖିଛନ୍ତି ଯେ, "ମୁଁ ପ୍ରଥମ ଥର ପାଇଁ ତୁଷାରପାତର ମଜା ନେଉଛି । ସତେ କେଡ଼େ ମଜାଳିଆ ମୂହୁର୍ତ୍ତ ଇଏ ।"
- " class="align-text-top noRightClick twitterSection" data="
">
ଈରା ଖାନ୍ଙ୍କ ପୁରୁଷ ବନ୍ଧୁ ନୂପୁର ଜଣେ ବେଶ ପରିଚିତ ଫିଟନେସ୍ କୋଚ୍ । ସେ ୨୦୧୪ରେ ସେ ବିଶ୍ବସୁନ୍ଦରୀ ସୁସ୍ମିତା ସେନ୍ଙ୍କୁ ଫିଟ୍ନେସ ଦିଗରେ ସାହାଯ୍ୟ କରିଥିଲେ । ଏକ ବହୁ ପୁରାତନ ରୋଗରୁ ଆରୋଗ୍ୟ ପାଇବା ପରେ ୨୦୧୮ରେ ସୁସ୍ମିତା ସେନ ନୂପୁରଙ୍କୁ ଧନ୍ୟବାଦ ଦେବା ସହ ଭୁରିଭୁରି ପ୍ରଶଂସା କରିଥିଲେ ।
ସେପଟେ ଈରା ଖାନ୍ ମଧ୍ୟ ମାନସିକ ରୋଗରେ ପିଡ଼ିତ ଲୋକଙ୍କୁ ସାହାଯ୍ୟ କରିବା ପାଇଁ ଅଗସ୍ତୁ ଫାଉଣ୍ଡେସନ ନାମରେ ଏକ ସେବାସଂସ୍ଥା ଆରମ୍ଭ କରିଛନ୍ତି । ଏହି ସଂସ୍ଥା ଈରାଙ୍କ ନେତୃତ୍ବରେ ବିଭିନ୍ନ ସ୍ଥାନରେ ମାନସିକ ରୋଗକୁ ନେଇ ସଚେତନତା କାର୍ଯ୍ୟକ୍ରମ କରି ଆସୁଛି ।
ଈରା ଖାନ୍ ଓ ଜୁନୈଦ ଖାନ୍ ଆମିର ଖାନ୍ଙ୍କ ପ୍ରଥମ ପତ୍ନୀ ରୀନା ଦତ୍ତଙ୍କ ପୁଅଝିଅ । ରୀନାଙ୍କୁ ଛାଡ଼ପତ୍ର ଦେଇ ଆମିର କିରନ ରାଓଙ୍କୁ ବିବାହ କରିଥିଲେ । ବର୍ତ୍ତମାନ ତାଙ୍କ ସହ ମଧ୍ୟ ଆମିରଙ୍କ ବିବାହ ବିଚ୍ଛେଦ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
