ମୁମ୍ବାଇ: କୋରୋନା ସଂକ୍ରମଣକୁ ନେଇ ତବଲିଗି ଜମାତ ଉପରେ କରିଥିବା ଟ୍ବିଟ ପାଇଁ ଚର୍ଚ୍ଚାରେ କୁସ୍ତି ଯୋଦ୍ଧା ବବିତା ଫୋଗାଟ। ସେ ନିକଟରେ ଏକ ଭିଡିଓ ସେୟାର କରି କହିଥିଲେ ଯେ, କେହି ଜାଏରା ୱାସୀମ ନୁହେଁ । ଯିଏ ଧମକରେ ଡରିଯିବେ। ତାଙ୍କର ଏହି ବୟାନ ପରେ ତାଙ୍କ ଟ୍ବିଟର ଆକାଉଣ୍ଟକୁ ସେସ୍ପେଣ୍ଡ କରାଯିବା ଦାବି କରାଯାଇଥିଲା।
ବବିତାଙ୍କ ଏହି ଅପମାନଜନକ ବୟାନ ଉପରେ ଏବେ ଅଭିନୟରୁ ସନ୍ୟାସ ନେଇଥିବା ଦଙ୍ଗଲ ଗାର୍ଲ ଜାଏରା କଡା ଜବାବ ଦେଇଛନ୍ତି । ସେ ଟ୍ବିଟ କରି ଲେଖିଛନ୍ତି, ‘ନିଜ ଅହଂକାର ଜରିଆରେ ଜ୍ଞାନକୁ ମଜବୁତ ହେବାକୁ ଦିଅନାହିଁ। ଯେତେବେଳେ ଆପଣ ସତ ଖୋଜୁଛ, ତେବେ ବିନର୍ମତା ସହ ଖୋଜ।’
ହେଲେ ଏହି ଟ୍ବିଟରେ ଜାଏରା କାହାରି ନାମ ନେଇନାହାଁନ୍ତି । ପ୍ରକାଶ ଥାଉକି ଗତ ବର୍ଷ ନିଜ ଧର୍ମକୁ କାରଣ ଦର୍ଶାଇ ସେ ବଲିଉଡ ଛାଡିଥିଲେ । ସୋସିଆଲ ମିଡିଆରେ ଏକ ପୋଷ୍ଟ ଜରିଆରେ ବଲିଉଡ ଛାଡିବା ଘୋଷଣା କରି ସେ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ । ଯାହାକୁ ନେଇ ସେ ସବୁ ମହଲରେ ସମାଲୋଚନାର ଶିକାର ହୋଇଥିଲେ ।
