ମୁମ୍ବାଇ: ବି-ଟାଉନର ଦଙ୍ଗଲ ଗାର୍ଲ ଭାବେ ପରିଚିତ ଅଭିନେତ୍ରୀ ଜାଏରା ୱାସୀମ ରବିବାର ନେଇଥିବା ନିଷ୍ପତ୍ତି ପୁରା ବଲିଉଡକୁ ଚକିତ କରିଦେଇଥିଲା । ସେ ଅଭିନୟ ଜଗତକୁ ବାଏ ବାଏ କହିଛନ୍ତି । ଇସଲାମ ଧର୍ମ ଯୋଗୁଁ ସେ ଅଭିନୟ ଜଗତରୁ ଦୂରେଇବାକୁ ନିଷ୍ପତ୍ତି ନେଇଥିବା ସୋସିଆଲ ମିଡିଆରେ ପୋଷ୍ଟ କରିଥିଲେ ।
ସେ ଫେସବୁକ ପୋଷ୍ଟ ଜରିଆରେ କହିଥିଲେ, 5 ବର୍ଷ ପୂର୍ବେ ନେଇଥିବା ନିଷ୍ପତ୍ତି ମୋ ଜୀବନ ବଦଳାଇ ଦେଇଛି । ମୁଁ ବଲିଉଡରେ ପାଦ ଥାପିବା ପରେ ଖୁବ୍ କମ ଦିନରେ ପ୍ରସିଦ୍ଧି ଲାଭ କରିଛି । ତେବେ ଇସଲାମ ଧର୍ମ ଯୋଗୁଁ ଅଭିନୟ ଜଗତରୁ ଦୂରେଇବାକୁ ନିଷ୍ପତ୍ତି ନେଇଛି...। ତାଙ୍କର ଏହି ନିଷ୍ପତ୍ତି ଉପରେ ସମସ୍ତଙ୍କ ପ୍ରତିକ୍ରିୟା ଏବେ ଦେଖିବାକୁ ମିଳୁଛି ।
- " class="align-text-top noRightClick twitterSection" data="
">
ଜାଏରାଙ୍କ ନିଷ୍ପତ୍ତିର କିଛି ଲୋକ ପ୍ରଶଂସା କରୁଥିବା ବେଳେ କିଛି ଲୋକଙ୍କୁ ତାଙ୍କ ନିଷ୍ପତ୍ତି ଆଦୌ ହଜମ ହେଉନାହିଁ । ତେଣୁ ସେମାନେ ଜାୟରାଙ୍କ ନିଷ୍ପତ୍ତିକୁ ପିଲାଳିଆମି କହି ନିଜ ପ୍ରତିକ୍ରିୟା ସୋସିଆଲ ମିଡିଆରେ ଦେଇଛନ୍ତି । ଖାଲି ଏତିକି ନୁହେଁ ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମଧ୍ୟ ଜାୟରାଙ୍କ ଏହି ନିଷ୍ପତ୍ତିକୁ ସମ୍ମାନ ଦେଇଛନ୍ତି ।
ଉମର ଅବଦୁଲ୍ଲା ଟ୍ବିଟ କରି ଜାଏରାଙ୍କୁ ପ୍ରତିକ୍ରିୟା ଦେଇ ଲେଖିଛନ୍ତି, "ଜାଏରାଙ୍କ ପସନ୍ଦ ଉପରେ ଆମେ ପ୍ରଶ୍ନ ଉଠାଇବାକୁ କିଏ ? ସେ ଯେମିତି ଚାହୁଁଛନ୍ତି ସେମିତ ନିଜ ଜୀବନ ବଞ୍ଚନ୍ତୁ । ମୁଁ କେବଳ ତାଙ୍କୁ ଶୁଭକାମନା ଦେଇପାରିବି ଏବଂ ପ୍ରାର୍ଥନା କରିବି କି ସେ ଯାହା କରିବେ ତାହାଦ୍ବାରା ସେ ଖୁସି ପାଆନ୍ତୁ ।"
ଉମରଙ୍କ ବ୍ୟତୀତ ଭାରତୀୟ ପ୍ରଶାସନିକ ସେବା ଛାଡି ରାଜନୀତିରେ ସମ୍ପୃକ୍ତ ହୋଇଥିବା ଶାହ ଫୈସଲ ମଧ୍ୟ ତାଙ୍କ ନିଷ୍ପତ୍ତିରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି । ସେ ନିଜର ଗୋଟିଏ ବୟାନରେ କହିଛନ୍ତି କି ସେ ଜାଏରାଙ୍କ ନିଷ୍ପତ୍ତିର ସମ୍ମାନ କରୁଛନ୍ତି ଏବଂ ତାଙ୍କ ପାଇଁ ପ୍ରାର୍ଥନା ମଧ୍ୟ କରୁଛନ୍ତି ।
ସେହିପରି ଫେମସ ଲେଖିକା ତସଲିମା ନସରୀନ ତାଙ୍କ ନିଷ୍ପତ୍ତିକୁ ପିଲାଳିଆମି କହିଛନ୍ତି । ସେ ଟ୍ବିଟ କରି ଲେଖିଛନ୍ତି, "ବଲିଉଡର ପ୍ରତିଭାଶାଳୀ ଏବଂ ଟ୍ୟାଲେଣ୍ଟେଡ ଜାଏରା ଏବେ ଅଭିନୟ କ୍ୟାରିୟର ଛାଡିବାକୁ ଚାହୁଁଛନ୍ତି । କାରଣ ତାଙ୍କୁ ଲାଗୁଛି ଯେ ତାଙ୍କ ଅଭିନୟ କ୍ୟାରିୟର ଆଲ୍ଲାଙ୍କ ଉପରେ ବିଶ୍ବାସଙ୍କୁ ନଷ୍ଟ କରିଦେଉଛି । ଆଶ୍ଚର୍ଯ୍ୟକର ନିଷ୍ପତ୍ତି । ମୁସଲିମ ସମୁଦାୟର ଅନେକ ପ୍ରତିଭା ଏପରି ଭାବେ ବୁର୍ଖା ଭିତରେ ରହିବାକୁ ବାଧ୍ୟ ହେଉଛନ୍ତି ।"
